మంచు చరియలు విరిగిపడి అయిదుగురు పర్వాతారోహకుల మృతి

రోమ్‌: ఇటలీలో మంచు చరియలు విరిగిపడి అయిదుగురు పర్వతారోహకులు ప్రాణాలు కోల్పోయారు. మరో 8 మంది గాయపడినట్లు అధికారులు తెలిపారు. మరోవైపు ఈ ప్రమాదంలో ఆరుగురు చనిపోయినట్లు స్థానిక ఇటాలియన్‌ టీవీ పేర్కొంది. పలువురు గల్లంతయ్యారని.. మృతుల సంఖ్యపై ఇంకా నిర్ధారణకు రాలేమని తెలిపింది. ఈ ఘటన 11వేల అడుగుల ఎత్తులో ఉన్న మార్మోలాడ పర్వత ప్రాంతంలో ఆదివారం చోటుచేసుకున్నట్లు అధికారులు తెలిపారు. ప్రస్తుతం అక్కడ గాలింపు చర్యలు కొనసాగుతున్నాయని పేర్కొన్నారు.