Crime News: విగ్గులో బంగారం స్మగ్లింగ్‌

సినిమాను తలపించే స్మగ్లింగ్‌ సన్నివేశం దిల్లీలోని ఇందిరాగాంధీ అంతర్జాతీయ విమానాశ్రయంలో కనిపించింది. అక్రమంగా బంగారాన్ని తరలిస్తున్న ఓ ప్రయాణికుడిని కస్టమ్స్‌ అధికారులు పట్టుకున్నారు. అతడి స్మగ్లింగ్‌ శైలిని చూసి.. అధికారులు ఆశ్చర్యపోయారు. బంగారాన్ని పేస్ట్‌గా చేసి.. అందులో కొంత తల విగ్గులో.. మరికొంత తన పురీషనాళంలో దాచి పెట్టాడు. అబుదాబి నుంచి వస్తున్న అతడి వద్ద స్వాధీనం చేసుకున్న పసిడి విలువ రూ.30 లక్షలు ఉంటుందని అధికారులు తెలిపారు. తొలుత నిందితుడిని అనుమానించిన అధికారులు.. అతని సామగ్రి తనిఖీ చేయగా.. ఏమీ కనిపించలేదు. దీంతో అనుమానం వచ్చి.. అవసరమైన పరీక్షలు చేశారు. అలా అసలు విషయం బయటపడింది.