2వ తేదీ లోగా బంగళాలను ఖాళీ చేయాలి!

8 మంది కళాకారులకు గడువిచ్చిన కేంద్రం

దిల్లీ: గతంలో కేటాయించిన నివాసాలను మే 2వ తేదీలోగా ఖాళీ చేయాలని కేంద్ర ప్రభుత్వం బుధవారం 8 మంది ప్రముఖ కళాకారులకు తెలిపింది. చాలా ఏళ్ల క్రితం వారికి ప్రభుత్వం కేటాయించిన ఈ వసతులు 2014లో రద్దయ్యాయి. మొత్తం 28 మందికి గాను ఇంకా 8 మంది ప్రభుత్వ వసతులను ఖాళీ చేయలేదని కేంద్ర గృహనిర్మాణ, పట్టణ వ్యవహారాల శాఖ సీనియర్‌ అధికారి ఒకరు తెలిపారు. వీరందరికీ పలుమార్లు నోటీసులు కూడా ఇచ్చినట్లు చెప్పారు. తాము బంగళాలను ఖాళీచేసే పనిలోనే ఉన్నామని, అయితే కొంత సమయం కావాలని వారు కోరినట్లు పేర్కొన్నారు.