Team India: మనీశ్ను టాప్లో ఆడించొద్దు!
శ్రీలంకతో జరిగే వన్డే సిరీస్లో టీమ్ఇండియా మనీశ్ పాండేను ఎంపిక చేస్తే టాప్లో కాకుండా మిడిల్ ఆర్డర్లో ఆడించాలని మాజీ క్రికెటర్, వ్యాఖ్యాత ఆకాశ్ చోప్రా అభిప్రాయపడ్డాడు...
ఇంటర్నెట్డెస్క్: శ్రీలంకతో జరిగే వన్డే సిరీస్లో టీమ్ఇండియా మనీశ్ పాండేను ఎంపిక చేస్తే టాప్లో కాకుండా మిడిల్ ఆర్డర్లో ఆడించాలని మాజీ క్రికెటర్, వ్యాఖ్యాత ఆకాశ్ చోప్రా అభిప్రాయపడ్డాడు. అతడు ఐపీఎల్లో సన్రైజర్స్ తరఫున టాప్ఆర్డర్లో బాగా ఆడతాడని, మిడిల్ ఆర్డర్లో పంపిస్తే పేలవంగా ఆడతాడని చెప్పాడు. ఒకవేళ అతడిని టాప్ ఆర్డర్లోనే పంపించాలని చూసినా జట్టు కష్టాలు తీరవని మాజీ ఓపెనర్ పేర్కొన్నాడు.
టాప్ ఆర్డర్లో ఆడేందుకు పృథ్వీషా, దేవ్దత్ పడిక్కల్, సూర్యకుమార్ యాదవ్, ఇషాన్ కిషన్ లాంటి ఆటగాళ్లు ఉన్నారని, దాంతో మనీశ్ను మిడిల్ ఆర్డర్లో పంపాలన్నాడు. ‘మిడిల్ ఆర్డర్లో సూర్యకుమార్ను తప్పకుండా ఆడిస్తారు. అందులో ఎలాంటి సందేహం లేదు. ఒకవేళ మనీశ్పాండేను ఎంపిక చేస్తే కచ్చితంగా మిడిల్ ఆర్డర్లో అవకాశమివ్వాలి. అయితే, అతడిని టాప్ మూడులో ఆడనివ్వకూడదు. ఎందుకంటే మనీశ్ మిడిల్ ఆర్డర్లోనే సరిపోతాడు. అతడు అక్కడ ఆడితే మంచిది. లేకపోయినా ఫర్వాలేదు. అతడిని ఐదో స్థానంలో ఆడించి తర్వాత హార్దిక్ పాండ్యను ఆరో స్థానంలో కొనసాగించడం ఉత్తమం’ అని చోప్రా తన అభిప్రాయాలు వివరించాడు. కాగా టీమ్ఇండియా, శ్రీలంక జట్లు ఆదివారం నుంచి మూడు వన్డేలు.. ఆపై మూడు టీ20లు ఆడనున్న సంగతి తెలిసిందే. శిఖర్ ధావన్ నేతృత్వంలోని యువ ఆటగాళ్లు ఎలా ఆడతారో చూడాలి. మరోవైపు ఓపెనర్లుగా ధావన్, పృథ్వీ బరిలోకి దిగుతారని ఇప్పటికే సమాచారం అందింది. దాంతో తర్వాతి స్థానాల్లో ఎవరు ఆడతారనే విషయంపై ఆసక్తి నెలకొంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్