Sunil Gavaskar : మరి గబ్బా పిచ్కు ఎన్ని డీమెరిట్ పాయింట్లు ఇచ్చారు..? ఐసీసీపై మండిపడ్డ గావస్కర్
ఇందౌర్ పిచ్(Indore Pitch)ను పేలవమంటూ ఐసీసీ(ICC) పేర్కొనడంపై సునీల్ గావస్కర్(Sunil Gavaskar) మండిపడ్డాడు. ఐసీసీ వైఖరిని ఎండగడుతూ పలు ప్రశ్నలు సంధించాడు.
ఇంటర్నెట్ డెస్క్ : స్పిన్కు విపరీతంగా సహకరించి బ్యాటింగ్ చాలా కష్టంగా మారిన ఇందౌర్ పిచ్(Indore Pitch)ను ఐసీసీ(ICC) ‘పేలవమైంది’గా పేర్కొనడంపై మాజీ దిగ్గజం సునీల్ గావస్కర్(Sunil Gavaskar) మండిపడ్డాడు. మ్యాచ్ రిఫరీ నివేదిక ఆధారంగా ఈ పిచ్ పేలవం(poor)గా ఉన్నట్లు ఐసీసీ పేర్కొంది. ఈ మైదానానికి మూడు డీమెరిట్ పాయింట్లు(demerit points) కేటాయించింది. అయితే ఈ అంశంపై గావస్కర్ స్పందించాడు.
గత ఏడాది రెండే రోజుల్లో ముగిసిన గబ్బా పిచ్(Gabba Pitch)కు ఎన్ని డీమెరిట్ పాయింట్లు కేటాయించారు? అని సన్నీ ప్రశ్నించాడు. ‘‘నాకు ఒక విషయం తెలుసుకోవాలని ఉంది. గత ఏడాది నవంబర్లో బ్రిస్బేన్ గబ్బా వేదికగా ఆస్ట్రేలియా, దక్షిణాఫ్రికా మధ్య జరిగిన మ్యాచ్ రెండు రోజుల్లోనే ముగిసింది. ఈ పిచ్కు ఐసీసీ ఎన్ని డీమెరిట్ పాయింట్లు కేటాయించింది..? అప్పుడు మ్యాచ్ రెఫరీ ఎవరు?’’ అంటూ ప్రశ్నల వర్షం కురిపించాడు.
గబ్బాలో జరిగిన ఆ మ్యాచ్లో దక్షిణాఫ్రికాపై ఆస్ట్రేలియా ఆరు వికెట్ల తేడాతో విజయం సాధించింది. బౌలర్లకు ఎక్కువగా సహకరించిన ఈ పిచ్కు సంబంధించి ఐసీసీ అప్పట్లో ఒక్క డీమెరిట్ పాయింట్తో ‘యావరేజ్ కంటే తక్కువ’(below average) అని రేటింగ్ ఇచ్చింది. ఇప్పుడు ఇదే విషయాన్ని గవాస్కర్ లేవనెత్తి.. ఐసీసీ వైఖరిని దుయ్యబట్టాడు.
ఇక ఇందౌర్ వేదికగా జరిగిన మ్యాచ్(IND vs AUS).. మూడో రోజు ఉదయమే ముగిసింది. మ్యాచ్లో బంతి విపరీతంగా తిరిగింది. తొలి రోజు ఆరంభం నుంచే ఈ పిచ్పై స్పిన్నర్లు విజృంభించారు. ఆసీస్ 9 వికెట్ల తేడాతో విజయం సాధించి సిరీస్లో భారత ఆధిక్యాన్ని 2-1కి తగ్గించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.