SA vs BAN: బంగ్లాదేశ్‌తో మ్యాచ్‌.. నిలకడగా ఆడుతున్న డికాక్, మార్‌క్రమ్

ముంబయి: ప్రపంచకప్‌లో భాగంగా సౌతాఫ్రికా, బంగ్లాదేశ్‌ జట్ల మధ్య మ్యాచ్‌ జరుగుతోంది. టాస్ గెలిచి బ్యాటింగ్ ఎంచుకున్న సౌతాఫ్రికా.. 25 ఓవర్లు ముగిసేసరికి 2 వికెట్ల నష్టానికి 131 పరుగులు చేసింది. ఓపెనర్ క్వింటన్ డికాక్‌ (74; 72 బంతుల్లో 4 ఫోర్లు, 4 సిక్స్‌లు) అర్ధ శతకం బాదగా.. మార్‌క్రమ్ (42*; 52 బంతుల్లో 4 ఫోర్లు) నిలకడగా ఆడుతున్నాడు.  ఓపెనర్ రీజా హెండ్రిక్స్‌ (12; 19 బంతుల్లో), వన్‌డౌన్‌లో వచ్చిన వాండర్ డసెన్ (1) విఫలమయ్యారు. నిలకడగా ఆడుతున్న హెండ్రిక్స్‌ను ఆరో ఓవర్‌లో షోరిఫుల్‌ ఇస్లామ్ వెనక్కి పంపాడు. తర్వాత క్రీజులోకి వచ్చిన డసెన్‌ను మెహదీ హసన్ మిరాజ్ వికెట్ల ముందు దొరకబుచ్చుకున్నాడు. అనంతరం మార్‌క్రమ్‌తో జట్టుకట్టిన డికాక్ నిలకడగా బౌండరీలు బాదుతూ అర్ధ శతకం పూర్తి చేసుకున్నాడు. మంచి టచ్‌లో కనిపిస్తున్న మార్‌క్రమ్ మరోసారి భారీ ఇన్నింగ్స్‌ ఆడేలా ఉన్నాడు.