Telangana News: చలనచిత్ర అభివృద్ధి సంస్థ ఛైర్మన్‌గా అనిల్‌ కుర్మాచలం

హైదరాబాద్‌: తెలంగాణలో మరో రెండు కార్పొరేషన్లకు రాష్ట్ర ప్రభుత్వం ఛైర్మన్లను నియమించింది. రాష్ట్ర పునరుత్పాదక ఇంధన అభివృద్ధి సంస్ధ (రెడ్కో) ఛైర్మన్‌గా వై.సతీశ్‌ రెడ్డిని నియమించారు. రాష్ట్ర చలనచిత్ర, టెలివిజన్‌, థియేటర్‌ అభివృద్ధి సంస్థ (ఎఫ్‌డీసీ) ఛైర్మన్‌గా అనిల్ కుమార్‌ కుర్మాచలానికి బాధ్యతలు అప్పగించింది. ఈ మేరకు రెండు కార్పొరేషన్లకు ఛైర్మన్ల నియామకానికి సీఎం కేసీఆర్‌ ఆమోద ముద్ర వేశారు. అందుకు అనుగుణంగా సాధారణ పరిపాలనశాఖ ఉత్తర్వులు జారీ చేసింది. వీరు మూడేళ్లపాటు బాధ్యతల్లో కొనసాగనున్నారు. సతీశ్‌ రెడ్డి తెరాస సామాజిక మాధ్యమాల విభాగం కన్వీనర్‌గా పనిచేస్తున్నారు. అనిల్‌ కుర్మాచలం తెరాస ఎన్‌ఆర్‌ఐ సెల్‌ లండన్‌ విభాగం అధ్యక్షుడిగా ఉన్నారు.