TELANGANA : సీఎం డైరెక్షన్‌లోనే భాజపా శ్రేణులపై దాడులు: బండి సంజయ్‌

చొప్పదండి: తెలంగాణ సీఎం కేసీఆర్‌ డైరెక్షన్‌లోనే భాజపా శ్రేణులపై దాడులు జరుగుతున్నాయని ఆ పార్టీ తెలంగాణ రాష్ట్ర అధ్యక్షుడు, ఎంపీ బండి సంజయ్‌ ఆరోపించారు. కరీంనగర్‌ జిల్లా చొప్పదండిలో పలు అభివృద్ధి కార్యక్రమాలను బండి సంజయ్‌ ప్రారంభించారు. ఈ సందర్భంగా సంజయ్‌ మాట్లాడుతూ... ఖమ్మంలోనూ తమ కార్యకర్త పట్ల దారుణంగా వ్యవహరించారన్నారు. ఆర్మూర్‌లో ఎంపీ అర్వింద్‌పై దాడి చేయించారని పేర్కొన్నారు. కొంతమంది పోలీసులు సీఎంకు కొమ్ముకాయడం సరికాదని వ్యాఖ్యానించారు. ఈ ఘటనలను ప్రజలు గమనిస్తున్నారనే విషయాన్ని సీఎం గ్రహించాలని హెచ్చరించారు. ఇలాంటి దాడులతో సీఎం అభద్రతకు లోనైనట్లు తెలుస్తోందన్నారు.