Special Trains: 19 ‘హాలిడే ప్రత్యేక రైళ్లు’: దక్షిణ మధ్య రైల్వే

ఈనాడు, హైదరాబాద్‌: జోన్‌ పరిధిలో 19 ‘హాలిడే ప్రత్యేక రైళ్ల’ను నడపనున్నట్లు దక్షిణ మధ్య రైల్వే మంగళవారం ప్రకటించింది. మొత్తం 19 రైళ్లలో ఒకరైలు (విజయవాడ-సికింద్రాబాద్‌) 12న (మంగళవారం) బయలుదేరింది. 13న ఐదు (హైదరాబాద్‌-నర్సాపూర్‌, కాచిగూడ-తిరుపతి, సికింద్రాబాద్‌-తిరుపతి, సికింద్రాబాద్‌-కాకినాడటౌన్‌, సికింద్రాబాద్‌-బరంపురం), 14న ఆరు (నర్సాపూర్‌-సికింద్రాబాద్‌, తిరుపతి-కాచిగూడ, తిరుపతి-సికింద్రాబాద్‌, కాకినాడటౌన్‌-తిరుపతి, నాందేడ్‌-తిరుపతి, బరంపురం-సికింద్రాబాద్‌), 15న మూడు (తిరుపతి-కాకినాడటౌన్‌, తిరుపతి-సికింద్రాబాద్‌, సికింద్రాబాద్‌-నర్సాపూర్‌), 16న ఒకటి (సికింద్రాబాద్‌-తిరుపతి), 17న మూడు (నర్సాపూర్‌-సికింద్రాబాద్‌, కాకినాడటౌన్‌-వికారాబాద్‌, తిరుపతి-సికింద్రాబాద్‌) ప్రత్యేక రైళ్లు ప్రయాణికులకు అందుబాటులో ఉంటాయి.