టీపీజేఏ ఆధ్వర్యంలో ఫొటోగ్రఫీ పోటీలు

ఈనాడు, హైదరాబాద్‌: ప్రపంచ ఫొటోగ్రఫీ దినోత్సవాన్ని పురస్కరించుకొని ఆగస్టు 19న తెలంగాణ ఫొటో జర్నలిస్టుల సంఘం(టీపీజేఏ) ఆధ్వర్యంలో రాష్ట్ర స్థాయి ఫొటోగ్రఫీ పోటీలను నిర్వహిస్తున్నట్లు సంఘం అధ్యక్షుడు జి.భాస్కర్‌ మంగళవారం తెలిపారు. ఉత్తమ వార్తాచిత్రం, ఎనిమిదేళ్లలో వివిధ రంగాల్లో అభివృద్ధి, ప్రాచీన కట్టడాలు- పర్యాటక ప్రాంతాల వంటి మూడు కేటగిరిల్లో ఉత్తమ చిత్రాలను వచ్చే నెల అయిదో తేదీలోగా  tpja999@gmail.com కు రెండేసి ఫొటోల సాఫ్ట్‌కాపీలతో పాటు జర్నలిస్టు వివరాలను జత చేయాలన్నారు. పూర్తి వివరాలకు 8096677376 నంబరులో సంప్రదించాలని భాస్కర్‌ సూచించారు.