ఆధ్యాత్మిక కేంద్రంగా కళాధామం

భువనగిరి గ్రామీణం, న్యూస్‌టుడే: యాదాద్రి క్షేత్రానికి సమీపంలో వివిధ కళారూపాలతో ఏర్పాటు చేసిన ‘కళాధామం’ అద్భుతంగా ఉందని యాదాద్రి భువనగిరి జిల్లా కలెక్టర్‌ పమేలా సత్పతి ప్రశంసించారు. సురేంద్రపురిలో ఆధునికీకరించిన ప్రధాన ద్వారాన్ని ఆదివారం ఆమె ప్రారంభించి, లోగోను ఆవిష్కరించారు. సొంత నిధులతో దేశంలోని ముఖ్యమైన ఆలయాలను ప్రతిబింబించే విధంగా మ్యూజియం నిర్మించడం గొప్ప విషయమని కొనియాడారు. అనంతరం ఇక్కడి హనుమదీశ్వరాలయం, కుందా సత్యనారాయణ కళాధామాన్ని ఆమె సందర్శించారు. కార్యక్రమంలో సురేంద్రపురి ఎండీ కుందా ప్రతిభ, డైరెక్టర్‌, విశ్రాంత ఐఏఎస్‌ బి.లక్ష్మీకాంతం తదితరులు పాల్గొన్నారు.