DOST: దోస్త్‌ ప్రవేశాల షెడ్యూల్‌లో మార్పు

ఈనాడు, హైదరాబాద్‌: దోస్త్‌ ప్రవేశాలకు సంబంధించి ఆయా తేదీల్లో స్వల్ప మార్పులు జరిగాయి. ఏకధాటి వర్షాల వల్ల విద్యార్థులు ఇబ్బందులు పడకుండా గడువు పెంచారు. మూడో విడతలో సీట్లు పొందిన వారు ఈనెల 26వ తేదీ వరకు ఆన్‌లైన్‌ సెల్ఫ్‌ రిపోర్టింగ్‌, అన్ని విడతల్లో సీట్లు సాధించిన విద్యార్థులు ఈ నెల 26వ తేదీ లోపు కళాశాలల్లో స్వయంగా రిపోర్ట్‌ చేయాలని అధికారులు పేర్కొన్నారు. ఈ నెల 26వ తేదీ నుంచి తరగతులు ప్రారంభమవుతాయని తెలిపారు. కళాశాలలో చేరిన వారు మరో బ్రాంచిలోకి మారేందుకు ఈ నెల 28వ తేదీ నుంచి 31వ తేదీ వరకు ఇంట్రా కాలేజ్‌ ప్రక్రియ జరుగుతుందని, వారికి ఆగస్టు 1న సీట్లు కేటాయిస్తామని దోస్త్‌ అధికారులు ప్రకటించారు.

ఎంసెట్‌ ప్రవేశాల ఫీజు గడువు పెంపు

వర్షాలను దృష్టిలో ఉంచుకొని, ఎంసెట్‌ తొలి విడత కౌన్సెలింగ్‌లో సీట్లు పొందిన విద్యార్థులు ఆన్‌లైన్‌లో ట్యూషన్‌ ఫీజు చెల్లించి, సెల్ఫ్‌ రిపోర్టింగ్‌ చేసే గడువును ఈ నెల 23వ తేదీ వరకు పొడిగించారు.