మానసికంగా, లైంగికంగా వేధిస్తున్నాడు.
నేనో డైవర్సీతో ఏడాదిగా సహజీవనం చేస్తున్నా. ఆరు నెలలకే అతడు చెప్పినవన్నీ అబద్ధాలని తేలింది. అతడికి ఎలాంటి సంపాదనా లేదు. చిన్న చిన్న ఖర్చులకు కూడా నేనే డబ్బులివ్వాలి. సెక్స్ విషయంలో అసహజంగా ప్రవర్తిస్తున్నాడు. శారీరకంగా, మానసికంగా వేధిస్తున్నాడు. ఇతడి మీద కేసు పెట్టడానికి అవకాశం....
* నేనో డైవర్సీతో ఏడాదిగా సహజీవనం చేస్తున్నా. ఆరు నెలలకే అతడు చెప్పినవన్నీ అబద్ధాలని తేలింది. అతడికి ఎలాంటి సంపాదనా లేదు. చిన్న చిన్న ఖర్చులకు కూడా నేనే డబ్బులివ్వాలి. సెక్స్ విషయంలో అసహజంగా ప్రవర్తిస్తున్నాడు. శారీరకంగా, మానసికంగా వేధిస్తున్నాడు. ఇతడి మీద కేసు పెట్టడానికి అవకాశం ఉందా? ఇది గృహహింస చట్టం పరిధిలోకి వస్తుందా? నేను భార్యను కాదు. సహజీవనమే చేస్తున్నా. నాకు హక్కులు ఉంటాయా?
- ఓ సోదరి, హైదరాబాద్
* మీకు పెళ్లి అయ్యిందో లేదో తెలియలేదు. ఎందుకంటే మీకు పెళ్లై విడాకులు తీసుకోకుండా అతనితో కలిసి ఉంటే అది సహజీవనం కిందకు రాదు. మీకు పెళ్లి కాకుండా, అతను కూడా డైవోర్సీ అయి ఇద్దరూ కలిసి జీవించడం సహజీవనం కిందకు వస్తుంది. గృహహింస చట్టం, సెక్షన్ 2(ఎఫ్) ప్రకారం డొమెస్టిక్ రిలేషన్షిప్లో ఇద్దరూ కలిసి జీవించడం ‘ఇన్ ద నేచర్ ఆఫ్ మ్యారేజ్’ అంటే వివాహితులులాగా జీవించడాన్ని కూడా చేర్చారు. కాబట్టి మీరు గృహహింస చట్టం 2005సెక్షన్ 3(ఎ) కింద చెప్పబడిన శారీరక, లైంగిక, మానసిక, ఆర్థిక వేధింపులను చేర్చి అతని మీద ప్రొటెక్షన్ ఆఫీసర్కు ఫిర్యాదు చేయొచ్చు. మీకు దగ్గరలోని ప్రొటెక్షన్ అధికారి ఆ ఫిర్యాదును ఆధారంగా చేసుకుని అతడిని పిలిపించి మాట్లాడటమో, కౌన్సెలింగ్ చేయడమో చేస్తారు. వారి ద్వారా న్యాయం జరగదని భావించినప్పుడు ఆ కేసును క్రిమినల్ కోర్టుకి పంపుతారు. మీ రక్షణ కస్టడీ కోసం మిమ్మల్ని షెల్టర్ హోమ్స్కి పంపుతారు. వైద్య పరీక్షలు అవసరమైతే చేయిస్తారు. గృహహింస చట్టం సెక్షన్ 17 కింద ఇంటిలో నివసించే హక్కు, సెక్షన్- 18 కింద ప్రొటెక్షన్ ఆర్డర్, సెక్షన్-19 కింద ఇంటిలో ఉండే హక్కు, సెక్షన్20 కింద మీకు రావాల్సిన మానిటరీ బెనిఫిట్స్ లాంటివి పొందడానికి హక్కు ఉంటుంది. సెక్షన్ 22 కింద మీరు పడ్డ కష్టానికి, అనుభవించిన మానసిక క్షోభకు తగిన కాంపెన్సేషన్ కూడా పొందొచ్చు. వీలైనంత తొందరగా ప్రొటెక్షన్ ఆఫీసర్ని కలవండి. వారు మీకు ఫిర్యాదు ఎలా రాయాలో కూడా తెలియజేస్తారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- జోరుమీదున్నాయి... జిప్ నగలు!
- చెమట ఎక్కువగా పడుతోందా?
- స్పోర్ట్స్ బ్రా.. ఎలా ఎంచుకోవాలి?
- స్ట్రెచ్ మార్క్స్కి బేకింగ్ సోడా..
- చీరపై... రామ చిత్రాలెన్నో!
ఆరోగ్యమస్తు
- 5-9... 9-5 ఈ ట్రెండేంటో తెలుసా!
- బరువు తగ్గించే ‘బీరకాయ సూప్’!
- చక్కెర పానీయాలు వద్దు... పండ్ల రసాలే ముద్దు!
- ఆరోగ్యాన్నిచ్చే.. నవమి నైవేద్యం!
- ఆరోగ్యానికి... శ్రీరామరక్ష!
అనుబంధం
- అపరాధ భావం లేకుండా...
- ‘ఇంటి నుంచి వెళ్లిపో’ అంటున్నాడు..!
- గర్భస్రావం అయ్యాక..!
- సీత... ఎప్పటికీ వాళ్ల పెద్ద కూతురే!
- విడాకుల విషయం పిల్లలకెలా చెప్పాలి?
యూత్ కార్నర్
- తల్లి పారిశుద్ధ్య కార్మికురాలు... కూతురు అగ్నివీర్!
- UPSC Results : సంకల్ప బలంతో సాధించారు!
- గెలుపు కథ రాసుకున్నారు!
- అమ్మాయిలు...అదరగొట్టేశారు!
- ఈ కవలలు... స్ఫూర్తి శిఖరాలు!
'స్వీట్' హోం
- వంటిల్లు పొందిగ్గా
- మామిడి పండు ఇడ్లీలు!
- ఎంబ్రాయిడరీతో రామకథ!
- వార్డ్రోబ్.. సువాసనభరితంగా!
- శ్రీరామ నీ నామం ఎంతో రుచిరా!
వర్క్ & లైఫ్
- నెలసరి కాలుష్యం లేకుండా!
- ప్రయాణాల కోసం ‘సోప్ పేపర్’!
- నిండైన నీల లత అందం!
- ఇంటికో సీతమ్మ తల్లి!
- ముందున్నాం..!