విలన్లా చూస్తున్నారు!
ప్రసూతి సెలవు తర్వాత ఇటీవలే ఆఫీసుకొచ్చా. సాదరంగా ఆహ్వానిస్తారనుకుంటే నన్నో విలన్లా చూడటం, పని ఇవ్వకపోవడం లాంటివి చేస్తున్నారు.
ప్రసూతి సెలవు తర్వాత ఇటీవలే ఆఫీసుకొచ్చా. సాదరంగా ఆహ్వానిస్తారనుకుంటే నన్నో విలన్లా చూడటం, పని ఇవ్వకపోవడం లాంటివి చేస్తున్నారు. ‘నీ వల్ల మాకు ఇన్ని నెలలు సరిగా సెలవులు లేవు’ అంటూ వ్యాఖ్యలు చేస్తున్నారు. అమ్మను కావడం తప్పా? సహోద్యోగులే ఇలా ప్రవర్తిస్తోంటే బాధేస్తోంది. నేనేం చేయాలి?
నిహిత
అమ్మయ్యాక తిరిగి ఉద్యోగంలో చేరడం ఓ సవాలు. అలాంటిది తిరిగి ఆఫీసులో చేరగానే ఇలాంటి పరిస్థితి ఎదురవడం బాధించడమే కాదు ఒత్తిడికీ దారి తీస్తుంది. నిజానికి మీ బాస్ కూడా కొత్త అమ్మగా మీ బాధ్యతలు అర్థం చేసుకొని కాస్త దన్నుగా నిలిస్తే తిరిగి పనిలో కుదురుకోవడం సులువవుతుంది. కానీ వాస్తవ పరిస్థితులేమో ఇందుకు విరుద్ధంగా ఉంటాయి. చేసేదేమీలేక మౌనంగా భరించే వారే ఎక్కువ. మీరు మాత్రం ‘నా ప్రసూతి సెలవులు మిమ్మల్ని చాలా ఇబ్బంది పెట్టినట్టున్నాయి. కానీ నేను చేసింది కంపెనీ పాలసీలకు విరుద్ధమేమీ కాదు. మీరు మామూలుగా అన్నా, కావాలని అన్నా.. ఈ ప్రవర్తన, మాటలు నన్ను ఇబ్బంది పెడుతున్నాయి’ అని ధైర్యంగా అనేయండి. అయినా ద్వేషం, వేరుచేయడం వంటివి కొనసాగితే పైవాళ్లు లేదా హెచ్ఆర్ వాళ్ల దృష్టికి తీసుకెళ్లండి. పిల్లలను వదిలేసి వెళుతున్నామనే బాధ, శారీరక అలసట, భావోద్వేగాల్లో హెచ్చు తగ్గులు వంటివి తిరిగి ఉద్యోగంలోకి చేరే అమ్మలను సాధారణంగానే వేధిస్తుంటాయి. దానికి సహచరుల నుంచి ఇలాంటి ప్రవర్తన తోడైతే ప్రశాంతత కరవవుతుంది. అలాగని డీలా పడటం వల్ల ప్రయోజనం లేదు. మానసికంగా, శారీరకంగా దృఢం అవ్వండి. మీ దృష్టంతా పని ఎంత మెరుగ్గా, సకాలంలో ఎలా పూర్తి చేయాలన్న దానిపైనే ఉండాలి. ఇలాంటి వాటి మీద శక్తిని వృథా చేసుకోవద్దు. ముఖ్యంగా పట్టించుకోవద్దు. బాధితురాలు అవుతారా.. ధైర్యంగా ఎదుర్కొంటారా అన్నది మీ చేతుల్లోనే ఉంది. ముందు డీలా పడక... పరిస్థితిని ధైర్యంగా ఎదుర్కోవడానికి సిద్ధం కండి. పైవాళ్ల సాయానికీ వెనుకాడొద్దు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- మ్యాచింగ్ పోట్లీ మస్తుంది!
- Makeup: ఈ పొరపాట్లు వద్దు!
- అందానికి చింతపండు..!
- నిర్మలమ్మ ‘బడ్జెట్’ శారీస్.. చీరచీరకో ప్రత్యేకత!
- చినుకుల్లో కురులు జాగ్రత్త!
ఆరోగ్యమస్తు
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
- ‘అమ్మా’ అనే పిలుపు వినాలని!
- మీ మౌత్వాష్ ఎలాంటిది?
- చాందీపుర వైరస్.. పిల్లల విషయంలో ఈ జాగ్రత్తలు తప్పనిసరి!
అనుబంధం
- నియమం ‘777’తో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- కొలీగ్తో రెండో పెళ్లి.. పేరెంట్స్ వద్దంటున్నారు!
- వాళ్ల ప్రేమ నిజమా? నకిలీనా?
- Sushmita Sen: లైంగిక అంశాల గురించి నా పిల్లలతో అలా చర్చిస్తా!
యూత్ కార్నర్
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
- రెండేళ్ల కష్టం... రూ.54 లక్షల ఉద్యోగం!
- మలార్ వాట్సాప్... టీచర్!
'స్వీట్' హోం
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- వర్షాలకు మొక్కలు పాడవకుండా..!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- బరువెక్కుతున్న తెలుగు రాష్ట్రాలు!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!
- ఆఫీసులో ఒత్తిడి తగ్గుతుందిలా..