Published : 03/01/2023 01:04 IST

ఆయన స్థలం.. నా పేరు మీదకెలా?

పెళ్లై పదేళ్లు. ఎనిమిదేళ్ల పాప. మూడేళ్ల క్రితం మావారు గుండెపోటుతో మరణించారు. మా వారి పేరుమీద ఊళ్లో ఒక స్థలం ఉంది. దాన్ని ఇప్పుడు నా పేరు మీదకి మార్చుకోవాలంటే ఏం చేయాలి?

- ఓ సోదరి

మీవారు ప్రభుత్వ ఉద్యోగం చేశారా? మీకు పెన్షన్‌ వస్తుందా? సాధారణంగా ప్రభుత్వోద్యోగం ఉంటే ఫ్యామిలీ పెన్షన్‌ ఇస్తారు. దానికి సంబంధించిన సర్టిఫికెట్‌ రెవెన్యూ ఆఫీసులో ఇస్తారు. మీకు అత్తగారు ఉంటే.. సెక్షన్‌ 8 వారసత్వ చట్టం ప్రకారం మీరు, మీ పాప, అత్తగారు మీవారికి క్లాస్‌-1 వారసులవుతారు. కాబట్టి మీరు లీగల్‌ హెయిర్‌ డిక్లరేషన్‌ సూట్‌ వేసుకోవాలి. అంటే మిమ్మల్ని మీరు వారసులుగా నిరూపించుకోవాలి. అలా నిరూపించుకున్నాక ఆ సర్టిఫికెట్‌తో రెవెన్యూ రికార్డుల్లో మ్యుటేషన్‌ చేయించుకోవాలి. ఈ ప్రక్రియను అనుసరిస్తే భవిష్యత్తులో ఏ ఇబ్బందులూ తలెత్తవు. మంచి లాయర్‌ను కలిసి ప్రక్రియను మొదలుపెట్టండి. ఫ్యామిలీ పెన్షన్‌ సర్టిఫికెట్‌ మీకు లీగల్‌ హెయిర్‌ సూట్‌కి ఆధారంగా ఉపయోగపడుతుంది.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

బ్యూటీ & ఫ్యాషన్

ఆరోగ్యమస్తు

అనుబంధం

యూత్ కార్నర్

'స్వీట్' హోం

వర్క్ & లైఫ్

సూపర్ విమెన్