మేకప్ రిమూవర్కు బదులు ఇవి!
రోజంతా మేకప్తో ఉన్నా.. రాత్రి నిద్రపోయే ముందు మాత్రం మేకప్ను తొలగించుకోవడం తప్పనిసరి. లేదంటే వివిధ రకాల చర్మ సమస్యలు చుట్టుముడతాయి. ఈ క్రమంలో- రసాయన పూరిత మేకప్ రిమూవర్స్కు బదులుగా ఇంట్లోనే లభించే సహజమైన పదార్థాలతోనూ మేకప్ను తొలగించుకోవచ్చంటున్నారు నిపుణులు.
రోజంతా మేకప్తో ఉన్నా.. రాత్రి నిద్రపోయే ముందు మాత్రం మేకప్ను తొలగించుకోవడం తప్పనిసరి. లేదంటే వివిధ రకాల చర్మ సమస్యలు చుట్టుముడతాయి. ఈ క్రమంలో- రసాయన పూరిత మేకప్ రిమూవర్స్కు బదులుగా ఇంట్లోనే లభించే సహజమైన పదార్థాలతోనూ మేకప్ను తొలగించుకోవచ్చంటున్నారు నిపుణులు. మరి అవేంటో చూద్దామా..!
కొబ్బరినూనెతో..
మేకప్ త్వరగా చెరిగిపోకుండా, ముఖ్యంగా ఈ వర్షాకాలంలో చాలామంది వాటర్ప్రూఫ్ మేకప్ను ఎంచుకుంటారు. అయితే ఇది వేసుకోవడానికి బాగానే ఉన్నా దీన్ని తొలగించుకోవడానికి కాస్త ఎక్కువగా శ్రమించాలి. ఈక్రమంలో ఎక్కువ మొత్తంలో మేకప్ రిమూవర్స్ వాడాల్సి వస్తుంది. దీనివల్ల చర్మం పొడిబారి, నిర్జీవంగా తయారవుతుంది.. వివిధ రకాల చర్మ సమస్యలూ తలెత్తచ్చు. ఇలాంటప్పుడు సహజమైన కొబ్బరినూనెను వాడడం మంచిది. ఇది వాటర్ప్రూఫ్ మేకప్ను ఎంతో సులువుగా తొలగించడమే కాకుండా చర్మానికి మాయిశ్చరైజర్లాగా పనిచేసి మృదువుగా మారుస్తుంది. దీనికోసం.. ఒక టీస్పూన్ కొబ్బరినూనెను చేతుల్లోకి తీసుకొని ముఖానికి, మెడకు బాగా పట్టించి 2-3 నిమిషాల తర్వాత కాటన్ ప్యాడ్లతో తుడిచేసుకుంటే సరి. లిప్స్టిక్ను సైతం కొబ్బరినూనెతో ఇలాగే తొలగించుకోవచ్చు.
పాలతో..
పచ్చి పాలను ఎన్నో సౌందర్య చికిత్సలలో వాడుతుంటారు. అయితే, పాలతో మేకప్ను సైతం తొలగించచ్చంటున్నారు నిపుణులు. పాలలో కాటన్ బాల్ను ముంచి.. దాంతో ముఖాన్ని శుభ్రంగా తుడిచేసుకుంటే సరి. ముఖంపై ఉన్న మేకప్ తొలగిపోయి తాజాగా మారుతుంది. ఒకవేళ ఎక్కువగా మేకప్ వేసుకున్నట్లయితే పాలలో ఒక టేబుల్స్పూన్ బాదం నూనెను వేసి కలుపుకొని, ఈ మిశ్రమంతో మేకప్ను తొలగించుకోవచ్చు. పాలు ముఖానికి తేమనందించి కోమలంగా, ప్రకాశవంతంగా మారుస్తాయి.
తేనెతో..
తేనెలో ఉన్న యాంటీ బ్యాక్టీరియల్ గుణాలు చర్మంపై ఉన్న మృతకణాలను తొలగించి మంచి మాయిశ్చరైజర్లాగా పని చేస్తాయి. అంతేకాదు.. న్యాచురల్ మేకప్ రిమూవర్గానూ తేనెను ఉపయోగించవచ్చు. దీనికోసం.. ఒక కాటన్ బాల్ లేదా తడిపిన కాటన్ క్లాత్పై కాస్త తేనె వేసి, దాంతో ముఖంపై మసాజ్ చేసినట్లుగా మృదువుగా 5 నిమిషాల పాటు రుద్దుకోవాలి. ఆపై గోరువెచ్చని నీటితో కడిగేసుకోవాలి.
ఒక మెత్తటి కాటన్ క్లాత్పై కాస్త తేనె, బేకింగ్ సోడా వేసి ముఖంపై రుద్దుకున్నా ముఖంపై ఉన్న మేకప్ పూర్తిగా తొలగిపోతుంది. ఒకవేళ మీది పొడి చర్మమైతే ఈ మిశ్రమంలో కొన్ని పాలు కలుపుకొంటే సరిపోతుంది.
ఆవిరితో తొలగించండి..
‘ఆవిరి’ ప్రక్రియను సౌందర్య సంరక్షణలో భాగంగా ఉపయోగించడం మనకు తెలిసిందే. అయితే ఇదే ఆవిరిని మేకప్ తొలగించుకోవడానికి కూడా ఉపయోగించచ్చని చెబుతున్నారు నిపుణులు. ఆవిరి ప్రక్రియ.. వేసుకున్న మేకప్ను నిమిషాల్లో తొలగించి ముఖాన్ని తాజాగా మారుస్తుంది. దీనికోసం, ఒక వెడల్పాటి గిన్నెలో వేడి నీళ్లను తీసుకొని అయిదు-పది నిమిషాల పాటు ఆవిరి పట్టాలి. ఆపై మేకప్ రిమూవర్ స్పాంజి లేదా కాటన్ క్లాత్తో ముఖాన్ని తుడిచేసుకోవాలి. తద్వారా మేకప్ మొత్తం చెమటతో పాటు తొలగిపోతుంది. ఆవిరి పట్టడం వల్ల చర్మ రంధ్రాలు తెరచుకొని వాటిలోని దుమ్ము, ధూళి, మురికి సైతం తొలగిపోయి చర్మం తాజాగా మారుతుంది.
కలబందతో కడిగేయండి..
నిత్యం మేకప్ వేసుకునే వారు ఇంట్లోనే కలబందతో సులువుగా మేకప్ను తొలగించుకోవచ్చు. దీనికోసం, ఒక గిన్నెలో టేబుల్స్పూన్ కలబంద గుజ్జు, కొద్దిగా తేనె, 4-5 చుక్కల బాదంనూనె వేసి కలుపుకోవాలి. ఈ మిశ్రమాన్ని ముఖం, మెడకు అప్లై చేసుకొని.. చేతి వేళ్లతో రెండు నిమిషాల పాటు మసాజ్ చేసుకోవాలి. ఆపై చల్లని నీళ్లతో కడిగేస్తే సరి. తద్వారా మేకప్ తొలగిపోవడంతో పాటు ముఖం కాంతివంతంగా తయారవుతుంది. కలబంద, తేనెలో ఉండే సహజ గుణాలు చర్మాన్ని మృదువుగా మారుస్తాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- అలసట లేకుండా పని చేయాలంటే..!
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- మీరైతే ఏం చేస్తారు?
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- ఒలింపిక్స్ బరిలో... బిహార్ ఎమ్మెల్యే!
- Paris Olympics: అందుకే ఈసారి వీళ్లు ప్రత్యేకం!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!