తల్లులకు, పిల్లలకు ఈ గింజలతో ప్రయోజనాలెన్నో..!
తల్లయ్యాక ప్రతి మహిళలోనూ ఇలాంటి శారీరక మార్పులు సహజమే. ఈ క్రమంలోనే తమ అందం, అధిక బరువు గురించి ఆందోళన చెందుతూ ఒత్తిడి-ఆందోళనలకు గురవుతుంటారు చాలామంది అతివలు. అయితే వీటన్నిటికీ అలీవ్ గింజలతో చెక్ పెట్టచ్చంటున్నారు....
ప్రగతికి నాలుగు నెలల పాప ఉంది. ముందు నుంచీ తన జుట్టు ఒత్తుగా, పొడవుగా ఉండేది. కానీ ప్రసవమయ్యాక మాత్రం తన జుట్టు విపరీతంగా రాలుతోంది.
బాబు పుట్టాక మధురిమ విపరీతమైన బరువు పెరిగింది.. ప్రసవం తర్వాత ఇది సర్వసాధారణమే అయినప్పటికీ.. తానెంత ప్రయత్నించినా బరువు తగ్గట్లేదని చెబుతోంది.
తల్లయ్యాక ప్రతి మహిళలోనూ ఇలాంటి శారీరక మార్పులు సహజమే. ఈ క్రమంలోనే తమ అందం, అధిక బరువు గురించి ఆందోళన చెందుతూ ఒత్తిడి-ఆందోళనలకు గురవుతుంటారు చాలామంది అతివలు. అయితే వీటన్నిటికీ అలీవ్ గింజలతో చెక్ పెట్టచ్చంటున్నారు పోషకాహార నిపుణులు.
ప్రయోజనాలు బోలెడు!
⚛ అందం తగ్గిపోవడం, బరువు పెరగడం, జుట్టు ఎక్కువగా రాలిపోవడం.. వంటి సమస్యలు కొత్తగా తల్లైన మహిళల్లో కామన్! మరి, వీటన్నింటి నుంచి బయటపడాలంటే అలీవ్ గింజలు చక్కగా దోహదపడతాయి. అలాగే ప్రసవానంతరం తిరిగి కోలుకోవడానికి తీసుకునే పదార్థాల్లో అలీవ్కు ప్రత్యేక స్థానం ఉందని నిపుణులు చెబుతున్నారు.
⚛ అంతేకాదు.. కొత్తగా తల్లైన మహిళల్లో పాల ఉత్పత్తిని పెంచడంలోనూ ఈ గింజలు ముందుంటాయి.
⚛ ఐరన్, ఫోలికామ్లం, విటమిన్ ‘ఎ’, విటమిన్ ‘ఇ’, అత్యవసర ఫ్యాటీ ఆమ్లాలు.. వంటి పోషకాలు పుష్కలంగా నిండి ఉన్న ఈ గింజలు రోగనిరోధక శక్తిని పెంచడంలోనూ దోహదం చేస్తాయి.
⚛ సులభంగా జీర్ణమయ్యే ఆహార పదార్థాల్లో ఇవీ ఒకటి.
⚛ కొత్తగా తల్లైన మహిళలతో పాటు యుక్తవయసుకు చేరువవుతోన్న అమ్మాయిలు, మెనోపాజ్కు చేరువైన మహిళలు, అలొపేషియా (మాడుపై అక్కడక్కడా జుట్టు రాలిపోయి తెల్లటి ప్యాచుల్లా ఏర్పడడం)తో బాధపడే వారు అలీవ్ గింజలను తప్పకుండా తీసుకోవాలి.
⚛ క్యాన్సర్ చికిత్స తీసుకునే వాళ్లు అలీవ్ గింజల్ని ఆహారంలో భాగం చేసుకోవడం వల్ల కీమోథెరపీ వల్ల మంచి కణజాలాలపై ప్రతికూల ప్రభావం పడకుండా జాగ్రత్తపడచ్చు.
⚛ మనసు బాగోలేనప్పుడు, తీపి తినాలన్న కోరిక కలిగినప్పుడు వీటిని తీసుకోవడం మంచిది.
⚛ పిల్లల్లో ఏకాగ్రత, సత్తువను పెంచడానికి అలీవ్ గింజలు ఉపయోగపడతాయి.
⚛ ఈ గింజలను కొబ్బరి-నెయ్యితో తీసుకోవడం లేదంటే పాలల్లో కలిపి తీసుకోవడం వల్ల ఇందులోని పోషకాలు శరీరానికి చక్కగా అందుతాయి.
⚛ అలీవ్ గింజలు తీసుకోవడం అలవాటు లేని వారు చిటికెడు మాత్రమే తీసుకోవాలి.. ఎక్కువగా తీసుకుంటే జీర్ణ సంబంధిత సమస్యలు ఎదురయ్యే అవకాశం ఉంది. అది కూడా పాలతో, లడ్డూల్లా చేసుకొని తీసుకోవాలి.
⚛ పిగ్మెంటేషన్ని తగ్గించడానికి, జుట్టు ఒత్తుగా పెరగడానికి, సంతానోత్పత్తికి, మానసిక ఒత్తిళ్లు-ఆందోళనల్ని దూరం చేయడానికి అలీవ్ గింజలు ఉపయోగపడతాయి.
ఎవరు తీసుకోవచ్చు?
ఎవరైనా తీసుకోవచ్చు. ముఖ్యంగా పాలిచ్చే తల్లులు, యుక్తవయసుకు దగ్గరవుతోన్న అమ్మాయిలు/అబ్బాయిలు, మధ్య వయస్కులు తీసుకోవాలి. అలాగే జుట్టు రాలడం, చర్మం ప్యాచుల్లా మారడం, అలొపేషియా (మాడుపై అక్కడక్కడా జుట్టు రాలిపోయి తెల్లటి ప్యాచుల్లా ఏర్పడడం)తో బాధపడేవారు తీసుకుంటే ఆయా సమస్యలు తగ్గుముఖం పడతాయి. అలాగే ఒత్తిడి నుంచి విముక్తి కల్పించేందుకూ ఈ గింజలు దోహదం చేస్తాయి. ఫోలికామ్లం, ఐరన్, విటమిన్లు ఎ, ఇ.. వంటి పోషకాలు నిండి ఉన్న ఈ సూపర్ ఫుడ్ రోగనిరోధక శక్తిని పెంచుతుంది.
ఎలా తీసుకోవాలి?
అలీవ్ గింజల్ని నెయ్యి, కొబ్బరి, బెల్లం కలిపి లడ్డూల్లా చేసుకొని తీసుకోవచ్చు.. ముఖ్యంగా మధ్యాహ్నం భోజనం సమయంలో తినడం మంచిది. వీటిని పిల్లలకూ అందించచ్చు. రాత్రిపూట చిటికెడు అలీవ్ గింజల్ని పాలల్లో వేసి ఏడెనిమిది గంటల పాటు నానబెట్టి ఆ తర్వాత తీసుకోవడం ఉత్తమం.
ఎంత తీసుకోవాలి?
చిటికెడు అలీవ్ గింజల్ని ఇందాక చెప్పినట్లు పాలల్లో నానబెట్టుకోవడం, లడ్డూలు-ఖీర్ రూపంలో తీసుకోవడం ఉత్తమం. వీటిని మరీ ఎక్కువగా తీసుకుంటే జీర్ణ సంబంధిత సమస్యలు తలెత్తుతాయి.
గమనిక: అలీవ్ గింజలు ఆరోగ్యానికి అన్ని విధాలా మంచివే.. అయితే వీటిని చాలా మితంగా తీసుకోవాలంటున్నారు పోషకాహార నిపుణులు. కాబట్టి ఈ విషయం గుర్తుపెట్టుకొని.. ఇంకా ఈ సూపర్ ఫుడ్ గురించి మీకేమైనా సందేహాలుంటే మీ వ్యక్తిగత పోషకాహార నిపుణుల సలహా తీసుకోవడం మంచిది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- ధవళవర్ణంలో దేవకన్యలా..!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- నాన్నంటే భయపడుతున్నారు..!
- ప్రయోగాలతో నేర్పిద్దామా?
- పెంపకం బట్టి ఎదుగుతారు.!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- థైరాయిడ్తో బరువు పెరిగా...
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!