Published : 04/01/2023 00:48 IST

నలుపుని తొలగించే ప్యాక్‌లు...

నిత్యం ఎండలో తిరగాల్సి రావొచ్చు. లేదా రాత్రీ పగలూ తేడా తెలియకుండా లైట్ల కాంతిలో పనిచేయాల్సి రావొచ్చు. ఎక్కువకాలం ఇలా చేస్తే.. టాన్‌ పడుతుంది. అలాంటప్పుడు ఈ చిట్కాలు పాటించండి.

* పెద్దచెంచా బార్లీ గింజలని మిక్సీలో వేసి మెత్తని పొడిగా చేసుకోవాలి. దీనికి అరచెక్క నిమ్మరసంతోపాటూ తగినంత రోజ్‌వాటర్‌ కూడా కలిపి పేస్ట్‌లా తయారు చేసుకోవాలి. ఈ ప్యాక్‌ని ఎండ కారణంగా నల్లబడిన చర్మంపై రాసి అరగంట తర్వాత గోరువెచ్చని నీళ్లతో కడిగేసుకుంటే టాన్‌ పోతుంది.

* నాలుగు ఎండుద్రాక్షలు, ఒక ఎండు ఖర్జూరం నానబెట్టుకుని వాటిని మెత్తని పేస్ట్‌లా చేసుకోవాలి. ఈ మిశ్రమానికి కొద్దిగా పండిన బొప్పాయి గుజ్జు, కాసిన్ని పాలు, చిటికెడు కలపాలి. ఈ ప్యాక్‌ని ముఖానికి పట్టించి ఆరిన తర్వాత కడిగేస్తే ముఖం కాంతిని సంతరించుకుంటుంది.

* కాలంతో పనిలేకుండా కొందరి చర్మం నిర్జీవంగా నల్లగా మారుతుంది. ఇలాంటివారు చందనం, పెరుగు, ముల్తానీ మట్టి కలిపి ప్యాక్‌ వేసుకోవాలి. అరగంటాగి గోరువెచ్చని నీళ్లతో కడిగేసుకుంటే ముఖం కాంతులీనుతుంది.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.