Corona Virus: వదలని లాంగ్‌ కొవిడ్‌ లక్షణాలు

లండన్‌: కొవిడ్‌-19 నుంచి బయటపడిన తరవాత కూడా నాలుగు నెలల వరకు తీవ్రమైన అలసట, తలనొప్పి పీడిస్తూనే ఉంటాయని అమెరికాలోని అగస్టా విశ్వవిద్యాలయ పరిశోధక బృందం నిగ్గుదేల్చింది. కండరాల నొప్పులు, దగ్గు, వాసనలో, రుచిలో మార్పులు, జ్వరం, చలి, ముక్కు దిబ్బడ కూడా దీర్ఘకాలం వదలవని తెలిపింది. కొవిడ్‌ వ్యాధి నాడీ కణజాలంలోనూ, మానసికంగానూ తీవ్ర మార్పులు కలిగిస్తుందని నిర్ధారణ అయినట్లు శాస్త్రవేత్తలు తెలిపారు. తమ పరిశోధనకు 200 మందిని ఎంచుకున్నారు. కొవిడ్‌ పాజిటివ్‌గా తేలినప్పటి నుంచి 125 రోజుల పాటు వారిని పరిశీలనలో ఉంచారు. వారిలో 68.5 శాతం మందిని తీవ్ర అలసట పీడించింది. 66.5 శాతంమంది తలనొప్పితో బాధపడ్డారు. 54 శాతంమంది వాసన, రుచిలో తేడాలు వచ్చాయన్నారు.