పాక్‌ రాయబార కార్యాలయంపై మేమే దాడి చేశాం: ఐఎస్‌ఐఎస్‌-కే

ఇస్లామాబాద్‌: అఫ్గానిస్థాన్‌లోని పాకిస్థాన్‌ రాయబార కార్యాలయంపై దాడికి తామే బాధ్యత వహిస్తున్నట్లు ఇస్లామిక్‌ స్టేట్‌(ఐఎస్‌ఐఎస్‌-కే) ప్రకటించింది. ఈ దాడి నుంచి రాయబార అధికారులు తప్పించుకోగా.. ఓ భద్రతా సిబ్బంది తీవ్రంగా గాయపడ్డాడు. శుక్రవారం కార్యాలయం ప్రాంగణంలో రాయబారి, ఆయన భద్రతా సిబ్బంది లక్ష్యంగా తమ ఇద్దరి సాయుధులు దాడి చేశారని ఐఎస్‌ఐఎస్‌-కే సామాజిక మాధ్యమాల్లో ఓ ప్రకటన విడుదల చేసింది. అఫ్గాన్‌ అధికారులతో సంప్రదించి ఈ ప్రకటనను ధ్రువీకరించినట్లు విదేశాంగ అధికారులు తెలిపారు. రాయబార కార్యాలయం వద్ద భద్రతా లోపాలపై వెంటనే విచారణ జరపాలని పాకిస్థాన్‌ డిమాండ్‌ చేసింది.