Ukraine Crisis: బాంబ్ షెల్టర్‌లో ప్రసవించిన మహిళ

లుహాన్స్క్: రష్యా దాడితో ఉక్కిరిబిక్కిరి అవుతున్న ఉక్రెయిన్‌లో పరిస్థితులు దయనీయంగా మారాయి. బాంబుల మోతతో భయంతో గడుపుతున్న ఉక్రేనియన్లు.. ప్రాణాలు రక్షించుకునేందుకు బంకర్లలో తలదాచుకుంటున్నారు. రష్యా మద్దతుదారుల అధీనంలో లుహాన్స్క్ ప్రాంతంలో ఉన్న బాంబ్ షెల్టర్‌లో తల దాచుకున్న ఓ గర్భిణి పండంటి మగబిడ్డకు జన్మనిచ్చింది. ఆ మహిళకు ప్రసవం చేసిన దృశ్యాలు, ఫొటోలను స్టారోబిల్స్క్ ఆస్పత్రి వర్గాలు సామాజిక మాధ్యమాల్లో పోస్టు చేశాయి. అప్పుడే పుట్టిన శిశువును ఎత్తుకుని ఆ తల్లి ఆనందంతో ఉప్పొంగిపోయిన ఫొటో సామాజిక మాధ్యమాల్లో వైరల్‌గా మారింది. తల్లీబిడ్డలిద్దరూ ఆరోగ్యంగా ఉన్నట్లు ఆస్పత్రి వర్గాలు వెల్లడించాయి.