ప్రణాళికను మార్చేద్దాం!
close
Published : 04/10/2021 01:28 IST

ప్రణాళికను మార్చేద్దాం!

ఇంటి పనీ, ఆఫీసు బాధ్యతలు నిర్వర్తించే క్రమంలో మహిళలం కాస్త ఎక్కువే ఒత్తిడికి గురవుతాం. ఇది అలసట, నిస్సత్తువకు కారణం అవుతుంది. అలాకాకుండా రోజంతా ఉల్లాసంగా, ఉత్సాహంగా ఉండాలంటే ఈ చిట్కాలు పాటించండి.

చాలామందికి వ్యాయామం అలవాటు ఉంటుంది కానీ ఆఫీస్‌ నుంచి వచ్చాక ఇందుకు సమయం కేటాయిస్తారు. అలాకాకుండా ఉదయం వేళల్లోనే ఆ పని చేయండి. ఎందుకంటే శారీరక శ్రమ తర్వాత మన శరీరంలో విడుదలయ్యే ఎండార్ఫిన్‌లు మనల్ని నిరాశ, నిస్పృహలకు లోనుకాకుండా కాపాడతాయి. ఆలోచనల్లో ఓ స్పష్టతనిస్తాయి. ఆ ఉత్సాహం మీకు రోజంతా ఉంటుంది.

తల్లిగా, భార్యగా, ఉద్యోగినిగా...మీరు ఎన్నో పనులను మల్టీటాస్కింగ్‌ చేస్తూ ఉండి ఉండొచ్చు. మరెన్నో చేయాలనే ఆలోచనలూ మీ మెదడులో తిరగొచ్చు. అయితే వాటన్నింటినీ మీ ‘టు-డూ’ జాబితాలో పెట్టేయకండి. ప్రాధాన్యతా క్రమంలో పూర్తిచేయండి.

మన పని మొదలయ్యే తొలి నాలుగు గంటల్లో మన సామర్థ్యం పూర్తిస్థాయిలో ఉంటుంది. కాబట్టి కీలకమైన పనులన్నీ అప్పుడే పూర్తిచేసేలా మీ ప్రణాళిక ఉండాలి.  సరైన పోషకాలు తీసుకోవడం ఎంత అవసరమో! శరీరానికి కదలిక అంతే ముఖ్యం. గంటకోసారైనా నీళ్లు తాగండి. స్వేచ్ఛగా శరీరాన్ని కదుల్చుతూ నడవండి. వీలైతే చిన్నపాటి స్ట్రెచస్‌ చేయండి. కొత్త ఉత్సాహం వచ్చేస్తుంది.



మరిన్ని

వీటితో పిల్లలకు పాలివ్వడం ఎంతో సులువు!

పసి పిల్లలకు ఆరు నెలలు అంతకుమించి ఏడాది వరకు తల్లిపాలు పట్టడం తప్పనిసరి అంటూ నిపుణులు చెప్పడం మనకు తెలిసిందే. అయితే ఇటు కుటుంబంతో పాటు అటు వృత్తి ఉద్యోగాలకూ సమప్రాధాన్యమిచ్చే అమ్మలున్న ఈ రోజుల్లో ఏడాది వరకు బిడ్డకు తానే నేరుగా పాలివ్వడం అంటే అది కాస్త కష్టమనే చెప్పుకోవాలి. అలాగని బిడ్డలను అలా వదిలేసి తల్లులూ తమ వృత్తిపై దృష్టి పెట్టలేరు. అందుకే అటు నేటి తల్లుల బ్రెస్ట్‌ఫీడింగ్ పనిని సులభతరం చేస్తూ, ఇటు పిల్లలకు తల్లిపాలు అందుబాటులో ఉండేలా చేసేందుకు వివిధ రకాల బ్రెస్ట్‌ఫీడింగ్ గ్యాడ్జెట్లు ప్రస్తుతం మార్కెట్లోకొచ్చేశాయి.

తరువాయి

సైజ్‌ జీరో కాదు.. ఆరోగ్యం ముఖ్యం!

‘మనసులో కలిగే ఆలోచనల్నే శరీరం ప్రతిబింబిస్తుంది..’ అంటోంది ఫిట్‌నెస్‌ ఫ్రీక్‌ అంకితా కొన్వర్‌. సైజ్‌ జీరో గురించి ఆలోచిస్తూ బాధపడితే మరింత బరువు పెరుగుతామని, అదే ఆరోగ్యంపై దృష్టి పెడితే శరీరం, మనసు రెండూ మన అధీనంలో ఉంటాయని చెబుతోంది. ఆరోగ్యం, ఫిట్‌నెస్‌పై ఎక్కువ శ్రద్ధ పెడుతూ.. ఆ చిట్కాల్ని సోషల్‌ మీడియాలో పంచుకుంటూ అందరిలో స్ఫూర్తి నింపే ఈ మిసెస్‌ సోమన్‌.. తాజాగా బాడీ పాజిటివిటీ గురించి ఇన్‌స్టాలో మరో స్ఫూర్తిదాయక పోస్ట్‌ పెట్టింది. సైజ్‌ జీరో కంటే ఆరోగ్యమే ముఖ్యమంటూ ఆమె షేర్‌ చేసిన పోస్ట్‌ ప్రస్తుతం సామాజిక మాధ్యమాల్లో వైరల్‌గా మారింది.

తరువాయి

ఆఫీసులో కోపం కట్టలు తెంచుకుంటోందా? ఇలా చేసి చూడండి..!

ఉద్యోగినులకు ఇటు ఇంటి పనులు, అటు ఆఫీస్‌ ఒత్తిళ్లు సర్వసాధారణమే అయినా.. కొంతమంది వీటిని అదుపు చేసుకోలేక ఒక్కోసారి పని ప్రదేశంలోనే ఎదుటివారిపై విరుచుకుపడుతుంటారు. దీన్నే ‘వర్క్‌ప్లేస్‌ బర్నవుట్’గా పేర్కొంటున్నారు నిపుణులు. నిజానికి ఇలాంటి దీర్ఘకాలిక ఒత్తిడి ఆరోగ్యానికే కాదు.. కెరీర్ పైనా ప్రతికూల ప్రభావం చూపే అవకాశాలు ఎక్కువగానే ఉన్నాయంటున్నారు. అందుకే దీన్ని ఆదిలోనే గుర్తించి మేనేజ్‌ చేసుకోగలిగితే దీనివల్ల కెరీర్‌పై మచ్చ పడకుండా జాగ్రత్తపడచ్చంటున్నారు. మరి, అదెలాగో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

సూపర్‌ విమెన్

మరిన్ని