బంగారు పతకాల బామ్మ..
close
Published : 30/06/2021 01:59 IST

బంగారు పతకాల బామ్మ..

ఓ రైలు ప్రయాణం తన జీవితాన్ని మార్చేసింది. ఈ వయసులో ఆటలా అన్నవారి నోటికి తాళం వేసింది. జిల్లా, రాష్ట్ర, జాతీయ స్థాయి వెటరన్‌ క్రీడాకారిణిగా మార్చింది. డెబ్బై మూడేళ్ల వయసులోనూ తనకంటూ ప్రత్యేక గుర్తింపు సాధించిందావిడ. పట్టుదల ఉంటే వయసు అడ్డుకాదని చాటుతోంది నెల్లూరు జిల్లా కావలికి చెందిన మానికల రామసుబ్బమ్మ. కష్టాల సుడిగుండాలను ఈదిన ఆవిడ జాతీయ క్రీడాకారిణిగా ఎదిగిన తీరు తెలుసుకుందాం...

రెక్కాడితే డొక్కాడని నిరుపేద కుటుంబంలో పుట్టిన మానికల రామసుబ్బమ్మ బతుకంతా కష్టాల మయమే. కావలి పట్టణం వెంగళరావునగర్‌కు చెందిన గిరిజన కుటుంబంలో పుట్టిన ఆమె ఎనిమిదో తరగతిలోనే చదువు ఆపేసింది. దాంతో తనకు ఇష్టమైన క్రీడలకూ వీడ్కోలు పలకాల్సి వచ్చింది. ఆర్థిక ఇబ్బందులతో తల్లితో కలిసి పాచి పనులకు వెళ్లేది. జవహర్‌ భారతి కళాశాల వసతి గృహంలో ఔట్‌ సోర్సింగ్‌ వంట సహాయకుడిగా పనిచేసే కొండయ్యను వివాహం చేసుకుంది. తనకో కూతురు, కొడుకు. వారిని చదివించేందుకు మళ్లీ పాచి పనులకు వెళ్లేది. వాళ్లిద్దరినీ ప్రభుత్వ ఉపాధ్యాయులుగా తీర్చిదిద్దేంత వరకూ విశ్రమించలేదు.

మలుపు తిప్పిన రైలు ప్రయాణం...
2016లో ఓసారి నెల్లూరులో ఉన్న కూతురిని చూసేందుకు రామసుబ్బమ్మ రైల్లో వెళుతోంది. బోగీలో నలభై ఏళ్లకు పైబడిన కొందరు క్రీడా దుస్తుల్లో కనిపించారు. ఆమెకు చిన్ననాటి రోజులు గుర్తుకు వచ్చాయి. నాటి పరుగు పందాలు, గెలిచిన బహుమతులు కళ్ల ముందు కదిలాయి. వారిలో ప్రముఖ క్రీడాకారిణి జెట్టి రాజేశ్వరితో మాట కలిపింది. వెటరన్‌ క్రీడా పోటీల్లో పాల్గొని వెళుతున్నారని తెలుసుకుంది. తనకూ మళ్లీ ఆటలాడాలని, పోటీల్లో పాల్గొనాలని ఉందని వాళ్లతో చెప్పింది. వారు ఎంతో సంతోషించారు. రామసుబ్బమ్మ ఆసక్తిని, పట్టుదలను పసిగట్టి వెటరన్‌ క్రీడలపై అవగాహన కల్పించారు. ఇంటికి వచ్చి చుట్టుపక్కల వారితో చర్చించింది తను. ఈ వయసులో నీకు ఆటకెందుకు అని వాళ్లు హేళన చేశారు. కానీ రాజేశ్వరి సహకారంతో నెల్లూరులో కోచ్‌ అయిన కోటేశ్వరమ్మ దగ్గర చేరింది రామసుబ్బమ్మ. అంతే ఇక ఆమె తిరిగి చూసుకోలేదు. క్రీడల్లో మెలకువలు నేర్చుకుని వెటరన్‌ క్రీడాకారిణిగా తనను తాను తీర్చిదిద్దుకుంది.

బంగారు పతకాలెన్నో...
రామసుబ్బమ్మ క్రీడల్లో శిక్షణ తీసుకుని వెటరన్‌ విభాగంలో మాస్టర్స్‌ ఫెడరేషన్‌ ఆఫ్‌ ఇండియా నిర్వహించే 100 మీటర్లు, 400 మీటర్లు, 800 మీటర్ల రిలే పోటీల్లో పాల్గొంది. రన్నింగ్‌, వాకింగ్‌, డిస్క్‌త్రో, జావెలిన్‌త్రో పోటీల్లో సత్తా చాటింది. నెల్లూరు, శ్రీహరికోట, విశాఖపట్నం, విజయనగరం, గుంటూరు, నాసిక్‌, తమిళనాడులోని మంగుళూరు వంటి వివిధ ప్రాంతాల్లో జరిగిన జిల్లా, రాష్ట్ర, జాతీయ వెటరన్‌ పోటీల్లో పాల్గొని అద్భుతంగా రాణించింది. 13 బంగారం పతకాలు, 8 రజత, 3 కాంస్యం పతకాలు సాధించింది. ప్రముఖుల చేతులమీదుగా సన్మానాలు, సత్కారాలు, పురస్కారాలు అందుకొని కావలి పేరును మారుమోగించింది. అంతర్జాతీయ స్థాయిలో పాల్గొనేందుకు సిద్ధమవుతోంది.

ఆసరా ఇస్తే ఇంకెంతో సాధిస్తా!

నాకు  క్రీడలంటే ఎంతో ఇష్టం. చిన్నప్పుడు కుటుంబ పరిస్థితుల కారణంగా మధ్యలోనే వదిలేశా. అంతర్జాతీయ పోటీల్లో పాల్గొని పతకాలు సాధించాలని లక్ష్యంగా పెట్టుకున్నా. దాతల సహాయంతో పాస్‌పోర్టు కూడా తీసుకున్నా. ఆసరా అందిస్తే మరిన్ని బంగారు పతకాలు సాధిస్తా.

- రామసుబ్బమ్మ

- ఎం.వి.రామణ్యం, కావలి

మరిన్ని

నారీ... వ్యాయామ దారి!

ఇంట్లో పనే ఎక్సర్‌సైజు... ఒక గృహిణి అభిప్రాయం. ఆఫీసుకెళ్లొచ్చే సరికే టైం అయిపోతుంది. మళ్లీ జిమ్‌కు వెళ్లే తీరిక ఎక్కడిది? ఒక ఉద్యోగిని ఆవేదన. జిమ్‌ కెళ్లినా అక్కడ మగవాళ్లతో పాటు చేయలేం... ఇదో యువతి సమస్య... ఆరోగ్యాన్ని కాపాడుకోవాలనే ఆలోచన ఉంటే మార్గాలు బోలెడు ఉన్నాయంటున్నారు...జీరోసైజ్‌ లేదా సన్నగా, నాజూగ్గా ఉండాల్సిన అవసరం సినీతారలు, మోడల్స్‌కు మాత్రమే. మేమెందుకు నోరు కట్టేసుకోవాలి, కసరత్తులంటూ చెమటోడ్చాలి అనే భావన చాలా మంది మహిళల్లో ఉండేది. గృహిణులకు ఇంటిపనే సరిపోతుందిలే’ అనే అపోహ ఉండేది. ఇప్పుడు మహిళలకూ ఉద్యోగ, ఉపాధి అవకాశాలు పెరగటంతో జీవనశైలిలో మార్పులు వచ్చాయి.

తరువాయి

చదువుల రాణి.. పసిడి కొల్లగొట్టింది..!

సాధారణంగా చదువులో ముందున్న వారు ఆటల్లో వెనకబడతారు.. అదే ఆటల్లో ముందున్న వారు చదువులో రాణించరు.. అంటుంటారు. కానీ చదువులో, ఆటల్లో.. రెండింట్లోనూ సత్తా చాటే వారు చాలా అరుదుగానే ఉంటారు. ఆస్ట్రియా సైక్లిస్ట్‌ అన్నా కిసెనోఫర్‌ కూడా అలాంటి మహిళే! వృత్తిరీత్యా గణిత విద్యావేత్త అయిన ఆమె.. అండర్‌ డాగ్‌గా టోక్యో ఒలింపిక్స్‌ బరిలోకి దిగింది. అందరి అంచనాల్ని తలకిందులు చేస్తూ ఫైనల్‌ ఫేవరెట్‌ను చిత్తు చేసి పసిడి పతకాన్ని కొల్లగొట్టింది. ఫలితంగా 125 ఏళ్లలో సైక్లింగ్‌ విభాగంలో ఒలింపిక్స్‌ పతకం గెలుచుకున్న తొలి ఆస్ట్రియా అథ్లెట్‌గా చరిత్ర సృష్టించింది. దీంతో ఆమె పేరు ప్రపంచమంతా మార్మోగిపోతోంది.

తరువాయి

సైకిల్‌ తొక్కితే రాళ్లు విసిరారు.. చంపేస్తామన్నారు!

అఫ్గానిస్థాన్‌కు చెందిన ఆమె చిన్నతనంలోనే సైకిల్‌ నేర్చుకుంది. అందులోనే జీవితాన్ని వెతుక్కోవాలనుకుంది. కానీ అక్కడి తాలిబన్లు, మత ఛాందసవాదులు ‘ఆడపిల్లలు సైకిల్‌ తొక్కడమేంటి?’ అంటూ ఆమె ఆశయానికి అడ్డుపడ్డారు. ధైర్యం చేసి సైకిల్‌తో రోడ్డుపై కొస్తే రాళ్లు విసిరారు. చంపేస్తామని బెదిరించారు. అందుకే ఉన్న వూరును విడిచిపెట్టి ప్రాణాలు అరచేతిలో పెట్టుకుని ఫ్రాన్స్‌కు వలస వెళ్లిపోయింది. అక్కడే తన సైక్లింగ్‌ లక్ష్యానికి మెరుగులు దిద్దుకుంది. ప్రతిష్ఠాత్మక ఒలింపిక్స్‌లో శరణార్థుల జట్టు తరఫున పాల్గొనే సువర్ణావకాశం సొంతం చేసుకుంది. ఆమే 24 ఏళ్ల మసోమా అలీ జాదా.

తరువాయి

సృజనాత్మక పరిష్కారానికి అరుదైన పురస్కారం!

యూరోపియన్‌ ఇన్వెంటర్‌ అవార్డ్‌.. వివిధ రంగాల్లో ఆవిష్కరణలు చేసి ఓ సరికొత్త ట్రెండ్‌ క్రియేట్‌ చేసిన వారికి ఏటా అందించే ప్రతిష్ఠాత్మక పురస్కారమిది! ఐరోపాతో పాటు ఇతర దేశాల వారు చేసిన అద్భుత ఆవిష్కరణల్ని గుర్తించి.. వాటి సృష్టికర్తలకు బహూకరించే ఈ పురస్కారం ఈసారి భారత సంతతికి చెందిన రసాయన శాస్త్రవేత్త సుమితా మిత్రాను వరించింది. ‘నాన్‌ యూరోపియన్‌ పేటెంట్‌ ఆఫీస్‌ కంట్రీస్‌’ విభాగం కింద యూరోపియన్‌ పేటెంట్‌ ఆఫీస్‌ (EPO) ఆమెకు ఇటీవలే ఈ అవార్డు అందించింది. దంత వైద్యంలో భాగంగా ఆమె చేసిన ఓ అసాధారణ ఆవిష్కరణతో ఎంతోమంది దంత సమస్యలకు పరిష్కారం దొరికినట్లయింది. ఈ నేపథ్యంలోనే ఈ అరుదైన అవార్డు అందుకున్న సందర్భంగా ఈ ఇండో-అమెరికన్‌ గురించి కొన్ని విశేషాలు మీకోసం..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని