చేతులకంటిన ఫుడ్‌కలర్‌ని పోగొడదామిలా.. - how to remove food colour from hands
close
Published : 30/07/2021 20:40 IST

చేతులకంటిన ఫుడ్‌కలర్‌ని పోగొడదామిలా..

ఆహారపదార్థాలు ఆకర్షణీయంగా కనిపించడానికి మనలో చాలామంది ఫుడ్‌కలర్‌ని ఉపయోగిస్తుంటారు. అయితే పొరపాటున చేతులు తడిగా ఉన్నప్పుడు ఈ రంగులని తాకితే అది చర్మానికి అంటుకుపోతుంది. ఆపై దాన్ని శుభ్రం చేయడం కష్టమవుతుంది. ప్రస్తుతం మార్కెట్లో లభించే ఈ రకమైన రంగులన్నీ రసాయనాలతో తయారైనవే కాబట్టి.. వాటి వల్ల చర్మానికి హాని జరిగే అవకాశం కూడా లేకపోలేదు. అందుకే వెంటనే దాని ప్రభావాన్ని తొలగించుకోవడం అవసరమంటున్నారు నిపుణులు. మరి, చర్మానికి అంటుకుపోయిన ఫుడ్‌కలర్‌ని తొలగించుకోవడానికి ఏం చేయాలో తెలుసుకుందామా..

టూత్‌పేస్ట్‌తో..

చేతిపై అంటుకున్న ఫుడ్‌కలర్‌ని టూత్‌పేస్ట్ ఉపయోగించి సులువుగా పోగొట్టుకోవచ్చు. దీనికోసం ముందుగా గోరువెచ్చని నీటితో సబ్బును ఉపయోగించి చేతులను శుభ్రం చేసుకోవాలి. ఆ వెంటనే కొద్దిగా టూత్‌పేస్ట్ తీసుకొని రంగు అంటిన చోట రాసి రెండు నిమిషాల పాటు మృదువుగా మర్దన చేసుకోవాలి. ఆ తర్వాత నీటితో కడిగి చేతులను శుభ్రం చేసుకోవాలి. టూత్‌పేస్ట్‌లో కొద్ది మోతాదులో ఉండే బేకింగ్‌సోడా ఫుడ్‌కలర్‌ని తొలగిస్తుంది. అయితే దీనికోసం జెల్ టూత్‌పేస్ట్‌ని ఉపయోగించకూడదు.

వైట్ వెనిగర్‌తో..

చిన్న పిల్లలు తమ చేతికి ఏ వస్తువు దొరికితే దానితోనే ఆడుకోవడానికి ప్రయత్నిస్తుంటారు. అలా వారి చేతికి ఫుడ్‌కలర్ దొరికితే ఒళ్లంతా పూసుకుంటారు కూడా! ఈ క్రమంలో దాన్ని శుభ్రం చేసేటప్పుడు వారి చర్మం ఎలాంటి రసాయనాల ప్రభావానికి గురికాకుండా చూసుకోవాలి. దీనికోసం ముందుగా నీటిసాయంతో చిన్నారుల చర్మం నుంచి ఎంతవరకు ఆ రంగును తొలగించగలమో అంతవరకూ వాటిని పోగొట్టాలి. ఆ తర్వాత శుభ్రమైన వస్త్రం లేదా పేపర్ టవల్‌ని తీసుకొని వైట్‌వెనిగర్‌లో ముంచాలి. దీంతో ఫుడ్ కలర్ అంటుకున్న చోట మృదువుగా తుడవాలి. ఇలా రంగు పూర్తిగా పోయేంతవరకు చేయాల్సి ఉంటుంది. అవసరమైతే మరోసారి వెనిగర్‌లో ముంచి తుడుచుకోవాలి.

ఒకవేళ మీరు దీనికోసం వస్త్రాన్ని ఉపయోగిస్తున్నట్త్లెతే.. వెనిగర్‌లో ముంచిన ప్రతిసారి తుడిచిన తర్వాత దాన్ని నీటిలో పిండుకోవాలి. అయినా రంగు వదలకపోతే.. బేకింగ్‌సోడాలో నీరు కలిపి పేస్ట్‌లా తయారుచేసుకోవాలి. దీన్ని అప్త్లె చేసుకొనే ముందు ఓసారి చర్మాన్ని నీటితో కడిగి వెనిగర్ లేకుండా చూసుకోవాలి. తర్వాత బేకింగ్‌సోడా పేస్ట్‌ని అప్త్లె చేసి మృదువుగా రుద్దుకొని నీటితో శుభ్రం చేసుకోవాలి. అనంతరం మరోసారి వైట్‌వెనిగర్‌లో ముంచిన వస్త్రంతో తుడుచుకుంటే సరిపోతుంది.

బేకింగ్ సోడాతో..

బేకింగ్‌సోడాను నీటిలో కలిపి చిక్కటి పేస్ట్‌లా తయారుచేసుకోవాలి. దీన్ని ఫుడ్‌కలర్ అంటిన చోట రాసుకోవాలి. ఐదు నిమిషాల పాటు గట్టిగా రుద్దాలి. ఆ తర్వాత నీటితో కడిగేస్తే సరిపోతుంది. అవసరమనుకుంటే మరోసారి ఈ పద్ధతిని రిపీట్ చేయాల్సి ఉంటుంది.

మౌత్‌వాష్‌తో..

మౌత్‌వాష్ సైతం చర్మానికి అంటుకున్న ఫుడ్‌కలర్‌ని తొలగించే స్వభావాన్ని కలిగి ఉంటుంది. దీనికోసం కొన్ని చుక్కల మౌత్‌వాష్‌ని ఫుడ్‌కలర్ అంటుకున్నచోట వేసి కాసేపు రుద్దుకోవాలి. ఇలా చేస్తూ ఉంటే మరక కొద్దికొద్దిగా పోవడం ప్రారంభిస్తుంది. పూర్తిగా పోయిన తర్వాత నీటితో కడిగేస్తే సరిపోతుంది. దుస్తులపై ఏర్పడిన ఫుడ్‌కలర్ మరకని కూడా ఈ చిట్కా పాటించి తొలగించుకోవచ్చు.

మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

తరువాయి

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

తరువాయి

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

తరువాయి

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

తరువాయి

బ్యూటీ & ఫ్యాషన్

మరిన్ని

ఆరోగ్యమస్తు

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


వర్క్‌ & లైఫ్

మరిన్ని

సూపర్‌ విమెన్

మరిన్ని