కరోనా వేళ నగల్ని కూడా ఇలా శానిటైజ్ చేయాల్సిందేనట! - protective ways to sanitize your regular jewellery amid pandemic
close
Updated : 22/06/2021 21:03 IST
Facebook Share Twitter Share WhatsApp Share Telegram Share Link Share

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

పెళ్లి వేడుకలు, ఇతర శుభకార్యాల్లో తప్ప రోజూ భారీ నగలు పెట్టుకోం. మహా అయితే మెడలో ఒక చెయిన్‌, వేళ్లకు ఉంగరాలు, చెవిదిద్దులు, బ్రేస్‌లెట్‌/గాజులు, కాళ్లకు పట్టీలు.. వంటి వాటినే రోజువారీ ధరించడానికి మొగ్గు చూపుతుంటాం. అయితే ఇంటికొచ్చాక ఇతర వస్తువుల మాదిరిగానే వీటినీ శానిటైజ్‌ చేయడం మంచిదంటున్నారు నిపుణులు. తద్వారా ఒకవేళ వాటిపై వైరస్‌ ఉంటే నిర్వీర్యమైపోయి.. మన శరీరంలోకి ప్రవేశించకుండా, ఇతర ఉపరితలాలకు అంటుకోకుండా జాగ్రత్తపడచ్చంటున్నారు. మరి, వీటిని శానిటైజ్‌ చేయడానికీ ఓ పద్ధతుంటుందట! అప్పుడే రోజూ శుభ్రం చేసినా వాటి మెరుపు తగ్గకుండా ఉంటుందంటున్నారు నిపుణులు.

అన్నీ ఓ బాక్స్‌లో పెట్టి..!

మొబైల్‌, పెన్సులు, పర్సు.. వంటి వస్తువుల్ని శానిటైజ్‌ చేసేందుకు ఇప్పటికే చాలామంది యూవీ స్టెరిలైజర్‌ బాక్స్‌ కొనే ఉంటారు. రోజూ ధరించే జ్యుయలరీ శానిటైజేషన్‌ కోసం కూడా దీన్ని ఉపయోగించుకోవచ్చు. ఈ క్రమంలో మీరు ధరించిన నగలన్నీ అందులో పెట్టి స్విచ్‌ ఆన్‌ చేసి రెండు మూడు నిమిషాల పాటు అలాగే ఉంచాలి. ఈ ప్రక్రియ వల్ల వాటిపై ఉండే సూక్ష్మ క్రిములు సైతం సమూలంగా నశించిపోతాయంటున్నారు నిపుణులు. అయితే ఈ బాక్స్‌ విడుదల చేసే అతినీల లోహిత కిరణాల తరంగదైర్ఘ్యం 100-280 నానోమీటర్లుగా ఉంటే మరింత సమర్థంగా పని చేస్తుందని చెబుతున్నారు. కొత్తగా స్టెరిలైజర్‌ బాక్స్‌ కొనుగోలు చేసే వారు ఈ విషయాన్ని దృష్టిలో ఉంచుకోవడం మరవద్దు.

గోరువెచ్చటి నీటితో..!

చాలామంది ఉంగరాలు, చెయిన్స్‌ను శుభ్రం చేయకుండా వాటిని రోజంతా పక్కన పెట్టేస్తే.. వాటిపై ఉండే వైరస్‌ నిర్వీర్యమైపోతుందనుకుంటారు. కానీ లోహాలపై వైరస్‌ మూడు గంటల నుంచి మూడు రోజుల దాకా బతికే ఉంటుందని సీడీసీ చెబుతోంది. కాబట్టి స్టెరిలైజర్‌ బాక్స్‌ అందుబాటులో లేకపోతే ప్రత్యేకంగా శుభ్రం చేయాల్సి ఉంటుంది. ఈ క్రమంలో ముత్యాల ఆభరణాలు తప్ప మిగతావన్నీ డిష్వాష్ సోప్‌ కలిపిన గోరువెచ్చటి నీటిలో వేసి పది నిమిషాల పాటు అలాగే ఉంచాలి. ఆ తర్వాత బ్రష్‌తో మృదువుగా రుద్ది.. కుళాయి నీళ్లతో కడిగేయాలి. ఆపై శుభ్రమైన కాటన్‌ వస్త్రంతో పొడిగా తుడవాలి.

వెండి నగలైతే ఇలా!

వెండి నగల్ని శానిటైజ్‌ చేసే క్రమంలో ప్రత్యేక శ్రద్ధ వహిస్తే వాటిపై ఉండే వైరస్‌ నిర్వీర్యమవడంతో పాటు వాటి మెరుపూ తగ్గకుండా జాగ్రత్తపడచ్చు. ఈ క్రమంలో సబ్బు నీరు కలిపిన వేడినీటిని ఉపయోగించినా అవి త్వరగా పాడైపోతాయి. కాబట్టి దీనికి ప్రత్యామ్నాయంగా ఈ మిశ్రమం ఉపయోగించచ్చు. ముందుగా ఒక గిన్నెలో అడుగున అల్యూమినియం ఫాయిల్‌ వేసి.. వేడి నీళ్లు (మరీ వేడిగా, గోరువెచ్చగా లేకుండా మధ్యస్తంగా ఉండాలి) పోయాలి. ఇందులో బేకింగ్‌ సోడా, ఉప్పు కొద్దికొద్దిగా వేసి, టేబుల్‌స్పూన్‌ వైట్‌ వెనిగర్‌ వేసి బాగా కలపాలి. ఈ మిశ్రమంలో వెండి ఆభరణాల్ని పావుగంట పాటు అలాగే ఉంచాలి. ఆ తర్వాత పొడిగా తుడిచేస్తే సరిపోతుంది.

 

ఇవి గుర్తుపెట్టుకోండి!

* కరోనా పరిస్థితుల్లో ముత్యాలు, రాళ్లు పొదిగిన నగల్ని సాధ్యమైనంత మేర పెట్టుకోకపోవడమే మంచిదంటున్నారు నిపుణులు. ఎందుకంటే వాటికి పదే పదే నీళ్లు తగిలితే అవి త్వరగా పాడైపోతాయి. ఒకవేళ వాటిని ధరించినా మార్కెట్లో దొరికే ప్రత్యేకమైన జ్యుయలరీ క్లీనర్స్‌తో శుభ్రం చేయమంటున్నారు.

* బయటి నుంచి వచ్చాక ఉంగరాలు తొలగించి చేతులు కడుక్కోవడం చాలామందికి అలవాటు. కానీ ఉంగరాలతో పాటే చేతులు శుభ్రం చేసుకొని.. ఆపై నగల్ని విడిగా శానిటైజ్‌ చేయాలి. అంతేకాదు.. ఉంగరాలు ధరించిన చోట చర్మాన్ని మరోసారి శుభ్రం చేసుకోవడం మర్చిపోవద్దు.

* ఇతర వస్తువుల్ని శానిటైజ్‌ చేసినట్లే.. నగల పైనా శానిటైజర్‌ స్ప్రే చేస్తామంటే కుదరదు. ఎందుకంటే వాటిలో ఉండే ఆల్కహాల్‌, ఇతర రసాయనాలు నగల మెరుపును దెబ్బతీస్తాయి. కాబట్టి వాటికి శానిటైజర్‌ ఉపయోగించకూడదు.

* నగల్ని శానిటైజ్‌ చేయడానికి మార్కెట్లో ప్రత్యేకంగా డిస్‌-ఇన్ఫెక్ట్‌/శానిటైజింగ్‌ వైప్స్‌ దొరుకుతున్నాయి. వాటితోనూ శుభ్రం చేసుకోవచ్చు.

* ముఖం శుభ్రపరచుకునే క్రమంలో ముందుగా వేళ్లకు పెట్టుకున్న ఉంగరాలు తొలగించి.. ఆపై చేతులు కడుక్కున్నాకే ముఖం కడుక్కోవాలట!


మరిన్ని

ఇంట్లో పదే పదే తాకే వాటిని ఇలా శుభ్రం చేయాల్సిందే!

ప్రస్తుత ప్రతికూల పరిస్థితుల్లో రోజూ మనం ఇంట్లో ఉన్నా, బయటికి వెళ్లొచ్చినా వ్యక్తిగత శుభ్రత పాటించడం, మనతో పాటు తెచ్చిన వస్తువుల్ని శానిటైజ్‌ చేయడం.. వంటివి కచ్చితంగా పాటిస్తున్నాం.. మరి, మనం ఇంట్లో పదే పదే తాకే వస్తువుల సంగతేంటి? మనం బయటికెళ్లినా అవి ఇంట్లోనే ఉంటున్నాయి కదా.. అంటారా? అయినా సరే.. వాటిని రోజూ శుభ్రం చేయాల్సిందే అంటున్నారు నిపుణులు. తద్వారా వాటిపై చేరే వైరస్‌, బ్యాక్టీరియా, క్రిములు ఒకరి నుంచి మరొకరికి అంటుకోకుండా జాగ్రత్తపడచ్చు. ఇంతకీ మనం ఇంట్లో తరచూ తాకే ప్రదేశాలు, వస్తువులేంటి? వాటిని ఎలా శానిటైజ్‌ చేయాలి? రండి తెలుసుకుందాం..!

అందుకే టవల్స్ విషయంలోనూ శుభ్రంగా ఉండాల్సిందే!

ఉదయం నిద్ర లేచింది మొదలు.. రాత్రి నిద్రపోయే వరకు రోజులో ఎన్నోసార్లు ముఖాన్ని, చేతుల్ని కడుక్కుంటూ ఉంటాం. ఇలా కడిగిన ప్రతిసారీ కచ్చితంగా టవల్‌తో తుడుచుకోవాల్సిందే. ఇలా మనకు తెలియకుండానే రోజులో చాలాసార్లు టవల్‌ను వాడుతూనే ఉంటాం. మరి, మీరు నిత్యం ఉపయోగించే ఈ టవళ్లు బ్యాక్టీరియాలకు మంచి ఆవాసాలనే విషయం మీకు తెలుసా? కరోనా విలయ తాండవం చేస్తున్న నేపథ్యంలో - ప్రతి రోజూ మీరు ఉపయోగించే టవల్ విషయంలో ఎంతవరకు జాగ్రత్త వహిస్తున్నారు? ఇంతకీ టవళ్లను ఎప్పటికప్పుడు శుభ్రం చేసుకోకపోతే కలిగే నష్టాలేంటి..? వీటిని అధిగమించడానికి ఎలాంటి జాగ్రత్తలు తీసుకోవాలి?.. రండి తెలుసుకుందాం..

మాడ్యులర్ కిచెన్ ఎలా ఉండాలంటే..

కొత్త ట్రెండ్స్ కేవలం ఫ్యాషన్‌కు మాత్రమే పరిమితం అనుకుంటే పొరపాటే. మనం కొత్తగా సిద్ధమవ్వడమే కాదు.. మన ఇంటినీ కొంగొత్త ఇంటీరియర్స్‌తో సరికొత్తగా మార్చేయవచ్చు. అందులోనూ.. ప్రస్తుతం మహిళలందరూ మారుతున్న ట్రెండ్స్‌కు అనుగుణంగా తమ ఇంటిని ట్రెండీగా, స్త్టెలిష్‌గా తీర్చిదిద్దుకోవాలని భావిస్తున్నారు కూడా.. ఈ నేపథ్యంలో చాలామంది మాడ్యులర్ కిచెన్స్‌కు ఓటేస్తున్నారు. అయితే వీటి నిర్మాణ క్రమంలో కొన్ని ముఖ్యమైన అంశాలు దృష్టిలో పెట్టుకుంటేనే వంటగది సౌకర్యవంతంగా నిర్మించుకోవడానికి అవకాశం ఉంటుందంటున్నారు ఇంటీరియర్ నిపుణులు. మరి, ఆ అంశాలేంటో మనమూ తెలుసుకుందాం రండి..

కరోనా వేళ నగల్ని కూడా ఇలా శానిటైజ్ చేయాల్సిందేనట!

కరోనా కేసులు క్రమంగా తగ్గుతున్నంత మాత్రాన వైరస్‌ పీడ విరగడైంది అనుకోవడానికి లేదు.. ఎందుకంటే ఈ మాయదారి మహమ్మారి ఎప్పుడెలా విరుచుకుపడుతుందో ఎవరికీ అంతు చిక్కట్లేదు. అందుకే కొవిడ్‌ తగ్గుముఖం పట్టినా, టీకా వేసుకున్నా కనీస జాగ్రత్తలు పాటించాల్సిందే అని నిపుణులు పదే పదే చెబుతున్నారు. ఇక బయటి నుంచి తెచ్చిన ప్రతి వస్తువునూ శానిటైజ్‌ చేయాల్సిందే అంటున్నారు. మనం రోజూ ధరించే వివిధ రకాల ఆభరణాలూ ఇందుకు మినహాయింపు కాదంటున్నారు. ఎందుకంటే కరోనా వైరస్‌ లోహాలపై మూడు గంటల నుంచి మూడు రోజుల దాకా జీవించి ఉంటుందని సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ చెబుతోంది. ఈ నేపథ్యంలో మనం రోజూ ధరించే ఆభరణాలను ఎలా శానిటైజ్‌ చేయాలో తెలుసుకుందాం రండి..

ఆరోగ్యమస్తు

మరిన్ని

అనుబంధం

మరిన్ని

యూత్ కార్నర్

మరిన్ని

వర్క్ & లైఫ్

మరిన్ని

సూపర్ విమెన్

మరిన్ని

బ్యూటీ & ఫ్యాషన్

మరిన్ని