గౌరవం తగ్గించొద్దు

అవీ ఇవీ...

గౌరవం తగ్గించొద్దు

పెళ్లిళ్లు స్వర్గంలో జరుగుతాయంటారు పెద్దలు. అయితే పెళ్లైన తరువాత దంపతులిద్దరూ సంతోషంగా ఉంటేనే ఆ ఇల్లు స్వర్గంలా ఉంటుంది. రెండు భిన్నమైన కుటుంబాల నుంచి వచ్చిన వ్యక్తులు పెళ్లనే బంధంతో ఒకట‌వుతారు. వారి మధ్య చిన్న చిన్న పొరపొచ్చాలు, కోపతాపాలు, చిరు అలకలు... అన్నీ సహజమే. ఇరువురు ఒకరినొకరు అర్థం చేసుకుని, పరస్పరం గౌరవాన్ని ఇచ్చిపుచ్చుకున్నప్పుడే ఆ బంధం బలపడుతుంది.
‌* భార్యాభర్తలన్నాక తగువులు, చిన్నపాటి గొడవలు సాధారణం. అంత మాత్రాన మీ భాగస్వామి గురించి మీ తోబుట్టువులు, బంధువుల దగ్గరగా తక్కువ చేసి మాట్లాడొద్దు. తనతో మీకేదైనా సమస్య ఉంటే నేరుగా మాట్లాడాలి. పరిష్కరించుకునేలా చూసుకోవాలి.
‌‌* చిన్నదైనా, పెద్దదైనా విజయం ఇచ్చే కిక్కు వేరు. కాబట్టి తన విజయాలను మీరు సంతోషంగా వేడుక చేసుకోండి. తన ఆనందాలను పంచుకోవడం వల్ల మీ బంధం దృఢమవుతుంది. దీని ద్వారా మీరు తనని ఎంతగా ప్రేమిస్తున్నారో, గౌరవిస్తున్నారో తెలుసుకుని మరింత ప్రేమిస్తారు.
‌‌* ఆఫీసు, ఇతర సమస్యల వల్ల తనకు తీరిక లేకుండా ఉన్నప్పుడు, అలాగే పని ఒత్తిడికి గురైనప్పుడు మీరే తనకు ప్రోత్సాహాన్ని ఇవ్వాలి. అలాంటి సమయంలోనే ‘నేనున్నానంటూ’ భరోసా ఇస్తే తన నిస్తేజం దూరంగా పారిపోతుంది.
‌‌* మీ ప్రేమను చేతల్లో వ్యక్తం చేయండి. తన చేతులను ప్రేమగా మీ చేతుల్లోకి తీసుకోవడం, ఆప్యాయంగా హత్తుకోవడం, చిరు చుంబనాలు... ఇవన్నీ మీ బంధాన్నీ మరింత బలపరుస్తాయి.
‌‌* అదేపనిగా నసగడం, గొడవ పడటం అస్సలు చేయొద్దు. మీరు తన నుంచి ఏం ఆశిస్తున్నారో నేరుగా చెప్పండి. దాన్ని మీ భాగస్వామి ఆచరణలో పెట్టడానికి కాస్తంత సమయం ఇవ్వండి అంతే తప్ప అదే పనిగా మాటల పోటీకి దిగొద్దు. అప్పుడే తనకు మీపై గౌరవం పెరుగుతుంది.
‌‌* ఇతరులతో మీ భాగస్వామిని పోల్చొద్దు. దానివల్ల మీరు తనతో సంతోషంగా ఉండటం లేదని పొరపాటు పడే అవకాశం ఉంది. అందులో నుంచే తనకు మీరు గౌరవం ఇవ్వట్లేదనే అభద్రత కూడా మొదలయ్యే ప్రమాదం ఉంది.

Tags :

wife and husband

మరిన్ని

జిల్లా వార్తలు

వారెవ్వా! చదువు సుఖీభవ ఈ-నాడు మకరందం రయ్.. రయ్ సిరి విజేత ఈ తరం హాయ్! ఆహా హాయ్ బుజ్జీ స్థిరాస్తి రుచులు విహారి