అనుమానం ఉందని దోషిగా ప్రకటించకూడదు: సుప్రీంకోర్టు

దిల్లీ: నేరం చేశాడన్న అనుమానంతో నిందితుడిని దోషిగా ప్రకటించడం సరికాదని సుప్రీంకోర్టు స్పష్టం చేసింది. అనుమానం ఎంత బలంగా ఉన్నా, దాన్ని పరిగణనలోకి తీసుకోకూడదని న్యాయమూర్తులు జస్టిస్‌ బి.ఆర్‌.గవాయ్‌, జస్టిస్‌ పి.ఎస్‌.నరసింహ ధర్మాసనం పేర్కొంది. హత్య, ఇతర అభియోగాలపై జీవితఖైదు పడిన ఓ వ్యక్తిని నిర్దోషిగా విడుదల చేస్తూ.. ధర్మాసనం ఈ వ్యాఖ్యలు చేసింది. అంతకుముందు పిటిషనర్‌ తరఫున వాదనలు వినిపించిన న్యాయవాది.. హత్యకు గురైన వ్యక్తికి పోస్టుమార్టం జరిగిందా లేదా అన్న విషయంపై స్పష్టత లేని విషయాన్ని న్యాయస్థానం దృష్టికి తీసుకొచ్చారు. దీనిపై ఏకీభవించిన ధర్మాసనం.. నిందితుడు నేరం చేశాడని ఎలాంటి అనుమానాలకు తావివ్వకుండా నిరూపితమైతేనే దోషిగా ప్రకటించాలని,  లేకపోతే అతడు అమాయకుడేనేని తెలిపింది.


మరిన్ని

ap-districts
ts-districts