భారత్ బయోటెక్‌: ఆ వార్తలు అవాస్తవం! - bharat biotech clarifies on phase 3 data submission to who
close
Published : 18/06/2021 01:29 IST
Facebook Share Twitter Share WhatsApp Share Telegram Share Link Share

భారత్ బయోటెక్‌: ఆ వార్తలు అవాస్తవం!

WHOకు మూడోదశ ప్రయోగాల సమాచారంపై క్లారిటీ

దిల్లీ: కొవాగ్జిన్‌ మూడో దశ ప్రయోగాల సమాచారాన్ని భారత్‌ బయోటెక్‌ ప్రపంచ ఆరోగ్య సంస్థ (WHO)కు సమర్పించిందని వస్తున్న వార్తలపై ఆ కంపెనీ స్పష్టతనిచ్చింది. అలాంటి వార్తలు నిజం కాదని.. వాటికి ఎటువంటి ఆధారాలు లేవని తెలిపింది. ఈ విషయాన్ని భారత్‌ బయోటెక్‌ ట్విటర్‌ ద్వారా వెల్లడించింది. కొవాగ్జిన్‌ టీకా అనుమతుల ప్రక్రియలో భాగంగా ప్రపంచ ఆరోగ్య సంస్థతో ఈ నెల 23న ప్రీ-సబ్‌మిషన్‌ సమావేశం జరుగుతుందనే వార్తలు వెలువడ్డాయి. వీటిపై స్పందించిన భారత్‌ బయోటెక్‌ అవి నిరాధారమైన వార్తలుగా పేర్కొంది.

కొవాగ్జిన్‌ టీకాకు ఎమర్జెన్సీ యూజ్‌ లిస్టింగ్‌ కింద గుర్తింపు ఇవ్వాలని ప్రపంచ ఆరోగ్య సంస్థకు భారత్‌ బయోటెక్‌ దరఖాస్తు చేసుకుంది. ఇందుకు అవసరమైన పత్రాలను ఇప్పటికే సమర్పించింది. అయితే, కొవాగ్జిన్‌ టీకాకు అనుమతి ఇచ్చేందుకు భారత్‌ బయోటెక్‌ నుంచి ప్రపంచ ఆరోగ్య సంస్థ మరింత సమాచారాన్ని కోరింది. అంతేకాకుండా వ్యాక్సిన్‌ అత్యవసర వినియోగం కోసం చేర్చే ప్రక్రియ పూర్తి రహస్యంగా సాగుతుందని WHO ఇదివరకే స్పష్టంచేసింది.

కొవాగ్జిన్‌ టీకా వినియోగానికి ఇప్పటివరకు 60కి పైగా దేశాల్లో అనుమతి కోసం దరఖాస్తు చేసుకున్నట్టు భారత్‌ బయోటెక్‌ వెల్లడించింది. ఆయా దేశాల్లో అనుమతి ప్రక్రియ పరిశీలనలో ఉండగా.. 13 దేశాల్లో ఇప్పటికే అత్యవసర వినియోగానికి అనుమతి లభించిందని స్పష్టం చేసింది. సెప్టెంబర్‌ లోపు డబ్ల్యూహెచ్‌వో అనుమతి వస్తుందని భావిస్తున్నామని భారత్‌ బయోటెక్‌ ఆశాభావం వ్యక్తం చేసింది.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని