close

తాజా వార్తలు

Published : 30/06/2020 00:54 IST
Facebook Share Twitter Share WhatsApp Share Telegram Share

సమయానికి తగు ఆహారం...

స్కూలు.. లంచ్‌బ్రేక్‌... మళ్లీ స్కూలు, సాయంత్రానికి ఆటపాటలు. ఇలా పిల్లలకు ఓ పద్ధతి అంటూ ఉండేది. కోవిడ్‌ ప్రభావంతో అన్నీ తలకిందులయ్యాయి. ఆన్‌లైన్‌ తరగతులు అయిపోయాక పిల్లలకు ఏం చేయాలో తెలియడం లేదు. అయితే ఫోన్‌ లేదా టీవీ చూడటంలో మునిగిపోతున్నారు. గతంలో మాదిరిగా సమయానికి తినడం  లేదు. ఈ తీరు వారిలో వ్యాధినిరోధకశక్తిని దెబ్బతీయొచ్చు. అందుకే ఇవి వారికి పెట్టి చూడండి...

అల్పాహారంగా: అటుకులతో చేసిన పోహా, ఇడ్లీ, దోసె వంటివి ఉదయం అల్పాహారంగా ఇవ్వాలి. వీలైతే సీజనల్‌ పండ్లను కూడా చేర్చండి. ఒకవేళ అలా నచ్చకపోతే తాజా పండ్లను మిల్క్‌షేక్స్‌లా చేసిస్తే విటమిన్ల లోపం ఉండదు.
అన్నం తప్పనిసరి: మధ్యాహ్న భోజనాన్ని పిల్లలు తప్పనిసరిగా తీసుకోవాలి. తాజాకూరగాయలతో చేసిన కూరలు, పప్పుతోపాటు చిక్కుడు, బీన్స్‌ తప్పనిసరిగా ఉండేట్టు చూడాలి. ఉడకబెట్టిన రాజ్మా, సెనగలను రోజులో ఏదో ఒక సమయంలో స్నాక్స్‌లా ఇవ్వాలి.
విటమిన్‌ బి12: పెరుగు, ఎండుద్రాక్షల్లో విటమిన్‌ బి12, ఐరన్‌ పుష్కలంగా ఉంటాయి. సాయంత్రంపూట వీటిని విడిగా కూడా పిల్లలకు తినిపిస్తే మంచిది.
ఏడు గంటలకే: సాయంత్రం ఏడింటికల్లా పిల్లలకు భోజనంపెట్టేయాలి. ఇందులో గోధుమ, జొన్నపిండితో చేసిన చపాతీలతోపాటు అన్నం కూడా కొద్దిగా ఉండాలి. పోషకవిలువలతో కూడిన ఈ ఆహారం పిల్లల్లో ఆరోగ్యకరమైన ఎదుగుదలకు తోడ్పడుతుంది.
నిద్రకు ముందు: రాత్రిపూట నిద్రకు ముందు పసుపు వేసిన గోరువెచ్చని పాలు లేదా ఏదైనా మిల్క్‌ షేక్‌ను తాగించాలి. పిల్లలు ఇష్టపడకపోతే ఒక అరటిపండు తినిపించాలి. దీంతో త్వరగా నిద్రపోతారు. తెల్లవారేవరకు తిరిగి ఆకలి వేయదు. ఇది వారిలో నిద్రలేమిని దూరం చేసి, ఉదయంపూట ఉత్సాహంగా నిద్రలేచేలా చేస్తుంది.


Tags :

బిజినెస్‌

రాజకీయం

జనరల్‌

సినిమా

క్రైమ్

స్పోర్ట్స్

జాతీయ-అంతర్జాతీయ

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.