Tokyo Olympics:  సిమోన్‌ బైల్స్‌కు అండగా రవిశాస్త్రి

తాజా వార్తలు

Published : 30/07/2021 00:17 IST

Tokyo Olympics:  సిమోన్‌ బైల్స్‌కు అండగా రవిశాస్త్రి

ఇంటర్నెట్‌డెస్క్‌: మానసిక ఒత్తిడి కారణంగా టోక్యో ఒలింపిక్స్‌ నుంచి తప్పుకున్న అమెరికా స్టార్‌ అథ్లెట్‌ సిమోన్‌ బైల్స్‌కు టీమ్‌ఇండియా ప్రధాన కోచ్‌ రవిశాస్త్రి అండగా  నిలిచాడు. ఆమె తీసుకున్న నిర్ణయంపై ఎవరికీ సంజాయిషీ ఇవ్వాల్సిన అవసరం లేదన్నాడు. తాజా ఒలింపిక్స్‌ క్రీడల్లో జిమ్నాస్టిక్స్‌ విభాగంలో ఫైనల్‌ రేసు నుంచి తప్పుకున్న బైల్స్‌ అందర్నీ ఆశ్చర్యానికి గురిచేసిన సంగతి తెలిసిందే. ఈ క్రమంలోనే పలువురు సెలబ్రిటీలు ఆమెకు అండగా నిలిచారు. అందులో టీమ్‌ఇండియా కోచ్‌ రవిశాస్త్రి ఉండటం గమనార్హం. బైల్స్‌ తీసుకున్న నిర్ణయాన్ని స్వాగతిస్తూ శాస్త్రి ట్విటర్‌లో ఇలా స్పందించాడు.

‘సిమోన్‌ నీకు కావాల్సినంత విశ్రాంతి తీసుకో. ఈ వయసులో నీకు కావాల్సిన నిర్ణయం తీసుకునే హక్కు నీకుంది. అది 48 గంటలైనా.. లేదా 48 రోజులైనా కావచ్చు. దాన్ని పూర్తిచెయ్‌. ఈ విషయంపై నువ్వు ఎవ్వరికీ సంజాయిషీ ఇవ్వాల్సిన అవసరం లేదు. నవోమీ ఒసాకా నువ్వు కూడా. మీ ఇద్దరికీ ఆ భగవంతుడి ఆశీస్సులు ఉండాలని కోరుకుంటున్నా’ అని రవిశాస్త్రి పేర్కొన్నాడు. ఇదిలా ఉండగా, జపాన్‌ టెన్నిస్‌ స్టార్‌ నవోమీ ఒసాకా సైతం ఇటీవల ఒలింపిక్స్‌లో మహిళల సింగిల్స్‌ విభాగం నుంచి పక్కకు తప్పుకున్న సంగతి తెలిసిందే. ఈ ఏడాది ఫ్రెంచ్‌ ఓపెన్‌లోనూ మానసిక ఒత్తిడితో ఆమె ఇలాగే వైదొలగడం గమనార్హం.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని