Space olympics : అంతరిక్షంలో వ్యోమగాముల ఆటలు.. చూస్తారా..

తాజా వార్తలు

Published : 10/08/2021 15:23 IST

Space olympics : అంతరిక్షంలో వ్యోమగాముల ఆటలు.. చూస్తారా..

ఇంటర్నెట్‌డెస్క్‌: ఈ భూమిపైన నిర్వహించే అతి పెద్ద క్రీడల ఈవెంట్‌ ఒలింపిక్స్‌. కరోనా కఠిన పరిస్థితుల్లోనూ.. 17 రోజుల పాటు విశ్వ క్రీడల సంబరాన్ని టోక్యో ఒలింపిక్స్ ప్రపంచానికి అందించింది. ఈ పోటీలు ఇటీవలే ఘనంగా ముగిశాయి. ఈ క్రీడలకు మన భూమిపైనే కాదు.. అటు అంతరిక్షంలోనూ క్రేజ్‌ ఉందని మీకు తెలుసా..?. ‘స్పేస్‌ ఒలింపిక్స్‌’ పేరుతో అంతరిక్షంలోనూ వీటిని నిర్వహించారు మరి!

ఓ వైపు టోక్యోలో క్రీడల నిర్వహణ జరుగుతుంటే.. అంతర్జాతీయ అంతరిక్ష కేంద్రం(ఐఎస్‌ఎస్‌)లో వ్యోమగాములు జట్లుగా మారి ఆటలు ఆడారు. భార రహిత స్థితిలో తమకు అనువైన పద్ధతిలో ఆటలాడుతూ స్పేస్‌ ఒలింపిక్స్‌ను నిర్వహించారు.

ఐఎస్‌ఎస్‌లో ఉంటున్న జపనీస్‌ వ్యోమగామి అకిహికో హోషైడ్‌, ఫ్రెంచ్‌ వ్యోమగామి థామస్‌ వీటిని నిర్వహించారు. ఆస్ట్రొనాట్లు రెండు బృందాలుగా విడిపోయి పోటీపడ్డారు. జీరోగ్రావిటీలోనూ తామేమీ తీసిపోమంటూ నిరూపించారు. చక్కటి నైపుణ్యాలతో ఆకట్టుకున్నారు. సింక్రనైజ్‌డ్‌ ఫ్లోటింగ్‌, వెయిట్‌లెస్‌ షార్ప్‌ షూటింగ్‌, నో హ్యాండ్‌ బాల్‌ పోటీలతో అలరించారు. చివరగా వీటికి వీడ్కోలు వేడుకలూ అంతే ఉత్సాహంగా నిర్వహించడం మరో విశేషం.

ఎంతో సరదాగా సాగిన ఈ ఆటలకు సంబంధించిన వీడియోలను థామస్‌ సోషల్‌ మీడియా ద్వారా పంచుకున్నారు. వీటిని చూసిన నెటిజన్లు ఔరా..! అంటున్నారు. సోషల్‌ మీడియాలో పోస్టు చేసిన వెంటనే వీటికి మిలియన్ల కొద్దీ వ్యూస్‌.. వేల కొద్దీ లైకులు వచ్చి పడ్డాయి.




Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని