గొర్రె తోక బెత్తెడు అనేది సామెత. కానీ దీనికి భిన్నంగా రాజన్న సిరిసిల్ల జిల్లా బోయినపల్లి మండలంలో గొర్రె కనిపించింది. దీని తోక మూరెడు ఉంది. ఈ గొర్రెను స్థానికులు ఆశ్చర్యంగా చూస్తున్నారు. వెనకాల నుంచి తోకను చూసిన వ్యక్తులు ఆవు దూడ లేదా మరొకటా అని దగ్గరికి వచ్చి చూసి వెళుతున్నారు. ఈ గొర్రెను కొదురుపాక గ్రామానికి చెందిన మటన్‌ వ్యాపారి ఎం.డి.సత్తర్‌ ఇటీవల మహారాష్ట్ర నుంచి కొనుగోలు చేసి తీసుకొచ్చారు.