JNVST 2024: ‘నవోదయ’లో ప్రవేశాలకు దరఖాస్తు గడువు మళ్లీ పొడిగింపు

దిల్లీ: రాబోయే విద్యా సంవత్సరానికి (2024-25) నవోదయ విద్యాలయాల్లో (JNV) ఆరో తరగతి ప్రవేశాలకు దరఖాస్తుల గడువును జవహర్‌ విద్యాలయ సమితి మరోసారి పొడిగించింది. ఆగస్టు 17తో గడువు ముగియనుండగా.. తుది గడువును ఆగస్టు 25కు పొడిగిస్తున్నట్టు వెల్లడించింది. దీంతో అర్హులైన విద్యార్థులు ఆగస్టు 25వరకు దరఖాస్తులు చేసుకొనేందుకు అవకాశం ఏర్పడింది. తొలుత ఆగస్టు 10వ తేదీతో గడువు ముగియగా.. వారం రోజుల పాటు పొడిగించిన విషయం తెలిసిందే. ఈ గడువు నేటితో ముగియనుండటంతో తాజాగా ఆగస్టు 25వరకు దరఖాస్తు చేసుకొనేందుకు అవకాశం కల్పించింది.

7 నోటిఫికేషన్లు.. 46,500+ ఉద్యోగాలు.. దరఖాస్తు చేశారా?

జేఎన్‌వీల్లో 6వ తరగతి సీట్ల భర్తీకి రెండు విడతల్లో ఎంపిక పరీక్ష(JNVST 2024) నిర్వహించాలని అధికారులు నిర్ణయించిన విషయం తెలిసిందే.  నవంబర్‌ 4(శనివారం)న ఉదయం 11.30గంటలకు పర్వత ప్రాంత రాష్ట్రాల్లో; 2024 జనవరి 20 (శనివారం) తేదీన తెలుగు రాష్ట్రాలతో పాటు దేశంలోని ఇతర ప్రాంతాల్లో ఈ ప్రవేశ పరీక్ష(Jawahar Navodaya Vidyalaya selection test) నిర్వహించనున్నారు.  దేశవ్యాప్తంగా 649 జవహర్‌ నవోదయ విద్యాలయాలు ఉండగా.. ఏపీలో 15, తెలంగాణలో 9 చొప్పున ఉన్నాయి.

ఆన్‌లైన్‌ దరఖాస్తు కోసం క్లిక్‌ చేయండి