రెరాలో పెరిగిన రిజిస్ట్రేషన్లు

ఈనాడు, హైదరాబాద్‌ : దేశవ్యాప్తంగా గత ఏడాది 19050 రియల్‌ ఎస్టేట్‌ ప్రాజెక్టులు రిజిస్టర్‌ అయ్యాయి. జులైలో అత్యధికంగా 2,281 ప్రాజెక్టులు నమోదుకాగా.. రెండో అత్యధికం డిసెంబరులో 2,134 అయ్యాయి. సగటున నెలకు 1587 ప్రాజెక్టులు రెరాలో చేరాయి. గతంతో పోలిస్తే నమోదు ప్రక్రియ పెరిగింది.

• మొత్తం ప్రాజెక్టుల్లో 45శాతం గృహ నిర్మాణానివి, ప్లాటింగ్‌ వెంచర్లు 12 శాతం ఉన్నాయి. వాణిజ్య నిర్మాణాలు 10 శాతం, ఇతర ప్రాజెక్టులు 33 శాతం.
• గత ఏడాది 4.82 లక్షల ఇళ్లను విక్రయించారు. మరో 10.42 లక్షలు అమ్మకానికి ఉన్నాయి.
• హైదరాబాద్‌లో నైట్‌ ఫ్రాంక్‌ ఇండియా నివేదిక ప్రకారం.. గత ఏడాది 71912 ఇళ్ల రిజిస్ట్రేషన్లు జరిగాయి. పెద్ద ఎత్తున అమ్మకానికి ఇళ్లు ఉన్నాయి.

భవిష్యత్తు డిమాండ్‌ తీర్చేనా? : పెరుగుతున్న పట్టణ జనాభాకు తగ్గట్టుగా గృహ నిర్మాణం జరుగుతోందా? అంటే లేదనే సమాధానం వస్తోంది. అదనపు గృహ నిర్మాణాలు అవసరమంటోంది క్రెడాయ్‌ నివేదిక.

• 2018 నాటికి దేశంలో 29 మిలియన్ల ఇళ్ల కొరత ఉండగా.. 2036 నాటికి 64 మిలియన్‌ ఇళ్ల అదనపు అవసరముంటుందని భావిస్తున్నారు.
• 2036 నాటికి పట్టణ జనాభా 39 శాతానికి చేరుతుంది. అప్పటికీ 93 మిలియన్ల ఇళ్ల అవసరమని అంచనా వేశారు.