నూనె లేకుండా... తందూరి!

చిప్స్‌, వడలు, టిక్కా, సమోసా, తందూరి చికెన్‌ వంటివి తినాలని ఉన్నా.. చిక్కంతా అధిక నూనెతోనే! కెలొరీలు, అధిక బరువుకి భయపడి వీటికి దూరంగా ఉంటాం. అదే 95 శాతం తక్కువ నూనెతో, రుచికరమైన వంటకాలు చేసుకొనే అవకాశం ఉంటే? ఆ అవకాశమే కల్పిస్తుందీ హెసియా పరికరం. ఇది టాప్‌లోడ్‌ పరికరం. అంటే సాధారణ ఎయిర్‌ ఫ్రైయర్స్‌ మాదిరిగా కాకుండా మనం వాడే రైస్‌ కుక్కర్‌ మాదిరిగా వేయించాల్సిన వంటకాలని గిన్నెలో ఉంచి పైన మూత పెట్టేస్తే సరి. స్మార్ట్‌ డిస్‌ప్లేలో కావాల్సిన ఉష్ణోగ్రత పెట్టుకుని మూతపెట్టారంటే సెకన్లలో వంటకాలు సిద్ధం. అడుగు నుంచి కాకుండా మూత ద్వారా పైనుంచి వేడి సమానంగా ప్రసరిస్తుంది. దాంతో వంటకాలు అన్నివైపుల నుంచి సమంగా ఉడుకుతాయి. లోపలి గిన్నెను శుభ్రం చేసుకోవడం తేలిక.