Punjab Election 2022: పంజాబ్‌ బరిలో బామ్మగారి ‘లెహరా’యీ..

76 ఏళ్ల వయసులో మాజీ సీఎం పోరు

చండీగఢ్‌: పంజాబ్‌ రాష్ట్రానికి ఏకైక మహిళా ముఖ్యమంత్రిగా సేవలందించిన రాజీందర్‌ కౌర్‌ భట్టల్‌ 76 ఏళ్ల వయసులో లెహ్రా స్థానం నుంచి కాంగ్రెస్‌ తరఫున మళ్లీ పోటీ చేస్తున్నారు. శిరోమణి అకాలీదళ్‌ (సంయుక్త్‌) తరఫున ప్రత్యర్థిగా ఉన్న పర్మీందర్‌సింగ్‌ ధిండ్సా కేవలం ప్రధాని నరేంద్రమోదీ ప్రతినిధి అని విమర్శలు ఎక్కు పెడుతున్నారు. 1992 నుంచి అన్నిసార్లూ శాసనసభ ఎన్నికల్లో నెగ్గుతూ వచ్చిన రాజీందర కౌర్‌ 2017లో మాత్రం ఓడిపోయారు. ధిండ్సా ఆమెపై నెగ్గారు. ఈసారి ఎన్నికల్లో నెగ్గి, ప్రతీకారం తీర్చుకోవాలని రాజీందర్‌ కౌర్‌ ఆరాటపడుతున్నారు. గత ఎన్నికల వరకు ఇక్కడ పోటీ కాంగ్రెస్‌, అకాలీదళ్‌ మధ్య ద్విముఖంగా ఉండేది. ఈసారి ఆప్‌ కూడా బరిలోకి దిగింది. 1996-97లో మూడు నెలలపాటు సీఎంగా వ్యవహరించే అవకాశం రాజీందర్‌ కౌర్‌కు దక్కింది.