టోకు వ్యాపారంలోకి ఆప్కో

చేనేత వస్త్రాల జాబితాను ఆవిష్కరించిన మంత్రి గౌతమ్‌రెడ్డి

ఈనాడు డిజిటల్‌, అమరావతి: జాతీయ స్థాయిలో టోకు వ్యాపారాన్ని అందిపుచ్చుకునేలా ఆప్కో ప్రత్యేక కార్యాచరణ అమలు చేయడం శుభపరిణామమని చేనేత, జౌళిశాఖ మంత్రి గౌతమ్‌రెడ్డి పేర్కొన్నారు. విజయవాడలోని తన క్యాంపు కార్యాలయంలో ఆప్కో వస్త్ర శ్రేణికి సంబంధించిన జాబితా ప్రతులను ఆయన బుధవారం ఆవిష్కరించారు. హోల్‌సేల్‌ విధానంతో చేనేత వస్త్రాల మార్కెటింగ్‌ను ప్రోత్సహించగలిగితే చేనేత కార్మికులకు పూర్తిస్థాయిలో పని లభిస్తుందని మంత్రి అన్నారు. అన్ని ప్రధాన నగరాల్లో ఆప్కో మెగా షోరూంలను ఏర్పాటు చేయనున్నట్లు ఎండీ నాగరాణి వెల్లడించారు. ఛైర్మన్‌ మోహన్‌రావు మాట్లాడారు.