సంక్షిప్త వార్తలు (5)
ఏపీ గ్రంథాలయ పరిషత్‌ ఛైర్మన్‌ జీతభత్యాలను గ్రంథాలయాల పన్ను నిధుల నుంచి చెల్లించాలంటూ పాఠశాల విద్యాశాఖ ప్రత్యేక ప్రధాన కార్యదర్శి రాజశేఖర్‌ ఉత్తర్వులు జారీ చేశారు.
గ్రంథాలయ పన్ను నిధుల నుంచి ఛైర్మన్‌ జీతభత్యాలు
ఈనాడు, అమరావతి: ఏపీ గ్రంథాలయ పరిషత్‌ ఛైర్మన్‌ జీతభత్యాలను గ్రంథాలయాల పన్ను నిధుల నుంచి చెల్లించాలంటూ పాఠశాల విద్యాశాఖ ప్రత్యేక ప్రధాన కార్యదర్శి రాజశేఖర్‌ ఉత్తర్వులు జారీ చేశారు. ప్రజల నుంచి స్థానిక సంస్థలు వసూలు చేసే గ్రంథాలయ పన్నుల నుంచి చెల్లించాలని పేర్కొన్నారు. జీతభత్యాలను ‘ఆర్‌’ కేటగిరీలో పెట్టారు. నెలకు సుమారు రూ.2లక్షల వరకు చెల్లించాల్సి ఉంటుంది. దీన్ని ప్రత్యేక కేసుగా పరిగణించాలని, ఈ మేరకు చర్యలు తీసుకోవాలని ప్రజా గ్రంథాలయాల డైరెక్టర్‌ను ఆదేశించారు.
నేర దర్యాప్తులో ప్రతిభకు కేంద్ర హోంశాఖ పతకాలు
రాష్ట్రం నుంచి అయిదుగురు పోలీసు అధికారుల ఎంపిక
ఈనాడు, అమరావతి: నేరాల దర్యాప్తులో అత్యుత్తమ ప్రతిభ కనబరిచినందుకు 2022 సంవత్సరానికి ఆంధ్రప్రదేశ్‌కు చెందిన అయిదుగురు పోలీసు అధికారులకు కేంద్ర హోంమంత్రిత్వ శాఖ పతకాలు ప్రకటించింది. సీతారామయ్య (డీఎస్పీ), కన్నుజు వాసు (ఇన్‌స్పెక్టర్‌), షేక్‌ ఖాదర్‌ బాషా (ఎస్సై), కొల్లి శ్రీనివాసరావు (ఏసీపీ), ముత్యాల సత్యనారాయణ (ఇన్‌స్పెక్టర్‌)లకు ఈ పతకాలు లభించాయి. ‘‘యూనియన్‌ హోమ్‌ మినిస్టర్స్‌ మెడల్‌ ఫర్‌ ఎక్స్‌లెన్స్‌ ఇన్‌ ఇన్వెస్టిగేషన్‌’’ పేరిట ఈ పతకాల్ని ప్రకటించింది. దేశవ్యాప్తంగా 151 మంది పోలీసు సిబ్బందికి ఈ పతకాలు లభించగా.. వారిలో ఆంధ్రప్రదేశ్‌ నుంచి పైన పేర్కొన్న అయిదుగురు అధికారులు ఉన్నారు.
శాశ్వత ప్రాతిపదికన భర్తీ చేస్తాం
సివిల్‌ అసిస్టెంట్‌ సర్జన్‌ పోస్టులపై ఏపీవీవీపీ కమిషనర్‌
ఈనాడు డిజిటల్‌, అమరావతి: ఆంధ్రప్రదేశ్‌ వైద్య విధాన పరిషత్‌ పరిధిలోని ఆసుపత్రుల్లో ఖాళీగా ఉన్న సివిల్‌ అసిస్టెంట్‌ సర్జన్‌, స్పెషలిస్ట్‌ పోస్టులను శాశ్వత ప్రాతిపదికన భర్తీ చేయనున్నట్లు వైద్య విధాన పరిషత్‌ కమిషనర్‌ డాక్టర్‌ వినోద్‌కుమార్‌ శుక్రవారం ఓ ప్రకటనలో తెలిపారు. ఈ నోటిఫికేషన్‌ ద్వారా నియమితులైన వైద్యులకు వేతన స్కేలు, ఇతర అలవెన్సులు లభిస్తాయన్నారు. గిరిజన ప్రాంతాల్లో పనిచేసే వైద్యులకు 50% అదనపు జీతం చెల్లించనున్నట్లు తెలిపారు. ఆన్‌లైన్‌ విధానంలో ఈ నెల 26 వరకు దరఖాస్తులు స్వీకరించనున్నట్లు ప్రకటించారు.
‘పదవీ విరమణ వయసు పెంపును ఉద్యోగులందరికీ వర్తింపజేయాలి’
ఈనాడు, అమరావతి: ఏపీలోని ప్రభుత్వ సంస్థల్లో పని చేస్తున్న ఉద్యోగులందరికీ పదవీవిరమణ వయసును 62 ఏళ్లకు పెంచాలని తెలుగునాడు ఉపాధ్యాయ సంఘం(టీఎన్‌యూఎస్‌) అధ్యక్ష, ప్రధాన కార్యదర్శులు మన్నం శ్రీనివాస్‌, వెంకటేశ్వర్లు కోరారు. గత జనవరిలో ప్రభుత్వం ఉత్తర్వులు ఇచ్చినా ఏపీ రెసిడెన్షియల్‌ పాఠశాలలు, విశ్వవిద్యాలయాలు, కార్పొరేషన్లకు చెందిన ఉద్యోగులకు ఇది వర్తించడం లేదని పేర్కొన్నారు.
పారా మెడికల్‌ కోర్సుల్లో ప్రవేశానికి నోటిఫికేషన్‌
ఎన్టీఆర్‌ ఆరోగ్య విశ్వవిద్యాలయం, న్యూస్‌టుడే: రాష్ట్రంలోని పారా మెడికల్‌ కళాశాలల్లో నర్సింగ్‌, ఫిజియోథెరపీ, ల్యాబ్‌ టెక్నాలజీ డిగ్రీ కోర్సుల ప్రవేశానికి సంబంధించి విజయవాడ ఎన్టీఆర్‌ ఆరోగ్య విశ్వవిద్యాలయం శుక్రవారం నోటిఫికేషన్‌ విడుదల చేసింది. బీఎస్సీ నర్సింగ్‌, బీపీటీ, బీఎస్సీ ల్యాబ్‌ టెక్నాలజీ, న్యూరో ఫిజియాలజీ, ఆప్టొమెట్రిక్‌, రీనాల్‌ డయాలసిస్‌, కార్డియాక్‌ కేర్‌, అనస్తీషియాలజీ, ఇమేజింగ్‌, ఎమెర్జీన్సీ, రెస్పిరేటరీ థెరపీ టెక్నాలజీ కోర్సులకు ఈ నెల 13వ తేదీ మధ్యాహ్నం 11 గంటల నుంచి సెప్టెంబరు 2వ తేదీ సాయంత్రం 4గంటల వరకు దరఖాస్తు చేసుకోవచ్చని రిజిస్ట్రార్‌ డాక్టర్‌ సీహెచ్‌ శ్రీనివాసరావు తెలిపారు. దరఖాస్తులు విశ్వవిద్యాలయం వెబ్‌సైట్‌లో పొందుపర్చామన్నారు.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
బొగ్గు ఓడను విశాఖ పోర్టుకు మళ్లించండి.. అదానీ గంగవరం పోర్టు యాజమాన్యానికి హైకోర్టు ఆదేశం
విశాఖ స్టీల్ప్లాంటు ప్రయోజనాలను పరిరక్షించడమే తమకు ముఖ్యమని హైకోర్టు వ్యాఖ్యానించింది. బొగ్గు సరఫరా లేక ప్లాంటు మూతపడే పరిస్థితి రావడం దురదృష్టకరమని పేర్కొంది. -
మంత్రిగారి నగదు ‘బదిలీ’లకు కోడ్ ఉన్నా ఆమోదం
గతంలో జరిగిన ప్రభుత్వ ఉపాధ్యాయుల దొడ్డిదారి బదిలీలకు.. ఎన్నికల కోడ్ అమలులో ఉన్న సమయంలో ఆమోదిస్తూ(ర్యాటిఫై) పాఠశాల విద్యాశాఖ ముఖ్య కార్యదర్శి ప్రవీణ్ ప్రకాశ్, కమిషనర్‌ సురేష్ కుమార్లు విడివిడిగా మెమోలు జారీ చేశారు. -
రమణదీక్షితులుపై కేసులో 41ఏ నోటీసు నిబంధనను పాటించండి: పోలీసులకు హైకోర్టు ఆదేశం
తితిదే మాజీ ప్రధానార్చకులు ఏవీ రమణదీక్షితులుపై నమోదు చేసిన కేసులో సీఆర్పీసీ సెక్షన్ 41ఏ నోటీసు ఇచ్చి వివరణ తీసుకోవాలని పోలీసులను హైకోర్టు ఆదేశించింది. -
వైకాపా ర్యాలీ వచ్చే.. ప్రజలు హడలే!
ప్రకాశం జిల్లా కనిగిరి నియోజకవర్గ వైకాపా అభ్యర్థి దద్దాల నారాయణ నామినేషన్ ర్యాలీతో గురువారం ప్రజలు విలవిల్లాడారు. -
తితిదే వద్దనున్న రూ.2 వేల నోట్లు మార్పిడి!
తితిదే వద్దనున్న రూ.2 వేల నోట్ల మార్పిడికి రిజర్వు బ్యాంక్ అవకాశం కల్పించినట్లు తెలిసింది. కేంద్ర ప్రభుత్వం 2023 అక్టోబరు 7 నుంచి రూ.2 వేల నోట్ల మార్పిడిని నిలిపివేసిన విషయం తెలిసిందే. -
విశాఖ ఉక్కు భూముల విషయంలో యథాతథ స్థితి పాటించండి: కేంద్రానికి హైకోర్టు ఆదేశం
విశాఖ స్టీల్ ప్లాంట్ భూములు, ఆస్తుల విషయంలో యథాతథ స్థితి (స్టేటస్ కో) పాటించాలని కేంద్ర ప్రభుత్వాన్ని హైకోర్టు ఆదేశించింది. -
పిచ్చి మందుతో ‘తుచ్ఛమైన దోపిడీ’
‘‘కాపురాల్లో మద్యం చిచ్చు పెడుతోంది. మానవ సంబంధాలు ధ్వంసమైపోతున్నాయి’’ అని అధికారంలోకి రాకముందు జగన్ మొసలి కన్నీరు కార్చారు. -
రైతన్నకు ‘రంపపు కోత!’
ప్రభుత్వం ఏదిస్తే అది తీసుకోవాలి. లేదంటే నోరుమూసుకుని కూర్చోవాలి. కాదని ఎవరైనా ప్రశ్నించారా? వైకాపా నేతలు, అధికారులు... ఇళ్లముందు వాలిపోయి వాళ్లసలు రైతులే కాదని తేల్చేస్తారు. -
బ్యాండేజ్ తియ్యకపోతే సెప్టిక్ అవుతుంది
సీఎం జగన్ నుదుటిపైన గాయానికి బ్యాండేజ్ వేసుకోవడం మంచిది కాదని, వైద్యురాలిగా సలహా ఇస్తున్నానని ఆయన చిన్నాన్న వివేకానందరెడ్డి కుమార్తె, డాక్టర్‌ సునీత పేర్కొన్నారు. -
ఎంత దెబ్బకు అంత బ్యాండేజ్ కాదా!
గులకరాయి విసిరిన ఘటనలో ఈ నెల 13న సీఎం జగన్ నుదుటికి గాయమైంది. ఆ రోజు వెంటనే ఆయన ప్రచార వాహనంలోనే ప్రాథమిక చికిత్స చేయించుకున్నారు. -
నా కల.. ఇలా
జాతీయ పరీక్షల విభాగం(ఎన్టీఏ) బుధవారం అర్ధరాత్రి విడుదల చేసిన జేఈఈ మెయిన్ ఫలితాల్లో తెలుగు విద్యార్థులు సత్తా చాటిన విషయం తెలిసిందే. -
రాష్ట్రవ్యాప్తంగా రూ.165.91 కోట్ల సొత్తు స్వాధీనం
ఎన్నికల షెడ్యూల్ ప్రకటించిన నాటి నుంచి గురువారం వరకు రాష్ట్రవ్యాప్తంగా రూ.165.91 కోట్ల విలువైన సొత్తు (నగదు, మద్యం, మాదకద్రవ్యాలు, వస్తువులు) జప్తు చేశామని రాష్ట్ర ప్రధాన ఎన్నికల అధికారి (సీఈఓ) ముకేశ్కుమార్ మీనా వెల్లడించారు. -
అబ్బాయిగారి ‘దందా’లూరు!
కాలువల్లో మట్టి నుంచి కొల్లేరులో చెరువుల వరకు.. ఆయన దృష్టిలో కాదేదీ దోపిడీకి అనర్హం ... కనిపించిన ప్రతి వనరునూ కొల్లగొట్టేశారు. -
బుగ్గనా.. ఈ అరాచకాలు తగునా?
నంద్యాల జిల్లా డోన్ వైకాపా అభ్యర్థి, రాష్ట్ర ఆర్థిక మంత్రి బుగ్గన రాజేంద్రనాథరెడ్డిలో అసహనం పరాకాష్ఠకు చేరినట్టుంది. గ్రామ సమస్యలపై ప్రశ్నించిన కారణంగా వృద్ధుడైన ఓ వార్డు సభ్యుడిని రెండు రోజుల పాటు పోలీసు నిర్బంధంలో ఉంచి వేధించడం ఇందుకు నిదర్శనంగా నిలుస్తోంది. -
వెన్నెముక అన్నారు.. వెన్ను విరిచారు!
నమ్మకంగా మాటలు చెప్పడం.. అవసరం తీరాక నయవంచనకు గురిచేయడం.. ఇది జగన్ నైజం. గత ఐదేళ్లూ వెనకబడిన వర్గాలకు ఆయన చేసింది ఇదే. -
కార్టూన్
-
చిన్నాన్నను చంపినోళ్లను కాపాడటం తగునా జగన్?
మాజీ మంత్రి వివేకానందరెడ్డి సతీమణి సౌభాగ్యమ్మ ఆవేదనతో సీఎం జగన్కు బహిరంగ లేఖ రాశారు. -
‘మట్టి’లో కలుస్తున్న పోలవరం కాల్వ!
మట్టి అక్రమ తవ్వకాల వల్ల గుట్టలు కరగడమే కాకుండా.. పోలవరం కాల్వ కూడా ప్రమాదంలో పడింది. -
‘మిత్ర’ ద్రోహం!
‘కల్యాణమిత్రలు, బీమామిత్రలను కచ్చితంగా కొనసాగిస్తాం... వేతనాలూ పెంచుతాం’ అని హామీ ఇచ్చిన జగన్ అధికారంలోకి రాగానే నిర్ధాక్షిణ్యంగా వారిని తొలగించేశారు. -
పచ్చటి జిల్లాకు పసుపు బొట్టు!
పార్వతీపురం మన్యం జిల్లాలో ఎన్డీయే కూటమి అభ్యర్థుల నామినేషన్ల సందర్భంగా పార్వతీపురం, సాలూరు పట్టణాలు పసుపు మయమయ్యాయి. -
ఏయూలో ‘ఎచీవర్స్’డే రద్దు!
ఆంధ్ర విశ్వవిద్యాలయం సైన్స్ కళాశాల ఆధ్వర్యంలో ఈ నెల 26న నిర్వహించదలచిన ‘ఎచీవర్స్ డే’ కార్యక్రమానికి తూర్పు నియోజకవర్గం ఎన్నికల అధికారి(ఆర్ఓ)మయూర్ అశోక్ అనుమతి రద్దు చేశారు.
తాజా వార్తలు (Latest News)
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్
-
శ్రీశైలంలో వైభవంగా భ్రమరాంబాదేవి కుంభోత్సవం
-
పెళ్లి గౌనును రీమోడల్ చేయించిన సమంత.. ఫొటోలు వైరల్
-
బొగ్గు ఓడను విశాఖ పోర్టుకు మళ్లించండి.. అదానీ గంగవరం పోర్టు యాజమాన్యానికి హైకోర్టు ఆదేశం
సుఖీభవ
చదువు
Powered By Margadarsi Computers
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
