దేవరాపల్లి-కొత్తవలస రోడ్డులో కూరుకుపోయిన లారీలు

ఈనాడు డిజిటల్‌, అనకాపల్లి: అనకాపల్లి జిల్లా ఆనందపురం-దేవరాపల్లి రోడ్డులో ఎదురెదురుగా వస్తున్న రెండు లారీలు ఆదివారం ఉదయం 6.30 గంటలకు గోతుల్లో కూరుకుపోయాయి. దీంతో దేవరాపల్లి నుంచి కొత్తవలస మధ్య గంటల తరబడి రాకపోకలు నిలిచిపోయాయి. రోడ్లు, భవనాల శాఖ అధికారులు క్రేన్‌ సాయంతో 11 గంటల సమయంలో రెండు లారీలను బయటకు తీసి, రాకపోకలు పునరుద్ధరించారు. ఉప ముఖ్యమంత్రి బూడి ముత్యాల నాయుడు ప్రాతినిథ్యం వహిస్తున్న మాడుగుల నియోజకవర్గంతోపాటు ఆయన సొంత మండలమైన దేవరాపల్లిలోనే రోడ్డు దారుణంగా తయారైంది. ఈ రోడ్డు అభివృద్ధి పనులు నత్తనడకన సాగుతుండటంతో ప్రయాణికులు నరక యాతన పడుతున్నారు.