Andhra News: గుర్రమెక్కి.. గడప గడపకూ

విప్‌ ధర్మశ్రీతోపాటు అధికారుల పయనం

రోలుగుంట, న్యూస్‌టుడే: స్వాతంత్య్రం సిద్ధించి ఏళ్లు గడుస్తున్నా అనకాపల్లి జిల్లా రోలుగుంట మండలం అర్ల శివారు లోసంగి గ్రామానికి రహదారి సదుపాయం లేదు. రోడ్డే లేదంటే ఇతర మౌలిక వసతులెలా ఉంటాయో అర్థం చేసుకోవచ్చు. ఉప్పు కావాలన్నా కొండలెక్కి, గుట్టలు దాటాల్సిందే. ‘గడపగడపకూ ప్రభుత్వం’ కార్యక్రమంలో భాగంగా శనివారం అధికారులు, ప్రజాప్రతినిధులతో కలిసి ప్రభుత్వ విప్‌ కరణం ధర్మశ్రీ కొంతదూరం ద్విచక్రవాహనంపై, మరికొంత దూరం గుర్రంపై ప్రయాణించి లోసంగి చేరుకున్నారు. గిరిజనుల సమస్యలు తెలుసుకున్నారు. వారితో కలిసి థింసా నృత్యం చేశారు.