మాది గ్రామ స్వరాజ్య బడ్జెట్‌: జగన్‌

ఈనాడు, అమరావతి: సంక్షేమ క్యాలెండర్‌లో ప్రకటించిన సమయానికి.. కాస్త అటూ ఇటుగా పథకాలను అమలు చేస్తున్నామని చెప్పడానికి గర్వంగా ఉందని ముఖ్యమంత్రి జగన్‌మోహన్‌రెడ్డి పేర్కొన్నారు. 2023-24 సంవత్సరానికి తమ ప్రభుత్వం గ్రామ స్వరాజ్య బడ్జెట్‌ను తెచ్చిందన్నారు. ఇది అక్కచెల్లెళ్లు, రైతుల పక్షపాత బడ్జెట్‌ అని, సామాజిక న్యాయ బడ్జెట్‌ అని చెప్పారు. శాసనసభలో శుక్రవారం ద్రవ్య వినిమయ బిల్లుపై చర్చ సందర్భంగా మాట్లాడిన సీఎం.. 2023-24 సంవత్సరంలో వివిధ పథకాల అమలుకు సంబంధించిన సంక్షేమ క్యాలెండర్‌ను విడుదల చేశారు. వివరాలివీ..

* ఏప్రిల్‌లో జగనన్న వసతి దీవెన, వైఎస్‌ఆర్‌ ఆసరా, ఈబీసీ నేస్తం (గతంలో ఇవ్వాల్సినవి)

* మే నెలలో వైఎస్‌ఆర్‌ రైతు భరోసా-పీఎం కిసాన్‌, ఉచిత పంటల బీమా, జగనన్న విద్యాదీవెన, కల్యాణమస్తు, మత్స్యకార భరోసా

* జూన్‌లో జగనన్న విద్యా కానుక, అమ్మఒడి, లా నేస్తం, అర్హులకు పథకాల అమలు

* జులైలో జగనన్న విదేశీ విద్యాదీవెన, నేతన్న నేస్తం, సూక్ష్మ చిన్న మధ్యతరహా పరిశ్రమల ప్రోత్సాహకాలు, జగనన్న తోడు, పొదుపుసంఘాలకు సున్నా వడ్డీ, కల్యాణమస్తు/షాదీ తోఫా

* ఆగస్టులో జగనన్న విద్యాదీవెన, కాపునేస్తం, వాహనమిత్ర

* సెప్టెంబరులో వైఎస్‌ఆర్‌ చేయూత

* అక్టోబరులో వైఎస్‌ఆర్‌ రైతు భరోసా-పీఎం కిసాన్‌, జగనన్న వసతి దీవెన

* నవంబరులో పంటరుణాలకు సున్నా వడ్డీ, కల్యాణమస్తు/షాదీ తోఫా, విద్యాదీవెన

* డిసెంబరులో జగనన్న విదేశీ విద్యాదీవెన, జగనన్న చేదోడు, అర్హులకు పథకాల అమలు

* 2024 జనవరిలో వైఎస్‌ఆర్‌ రైతుభరోసా- పీఎం కిసాన్‌, వైఎస్‌ఆర్‌ ఆసరా, జగనన్న తోడు, లా నేస్తం, పింఛన్‌ రూ.3 వేలకు పెంపు

* 2024 ఫిబ్రవరిలో జగనన్న విద్యాదీవెన, కల్యాణమస్తు/షాదీ తోఫా, ఈబీసీ నేస్తం

* 2024 మార్చిలో జగనన్న వసతి దీవెన, సూక్ష్మ, చిన్న, మధ్యతరహా పరిశ్రమలకు ప్రోత్సాహకాల విడుదల