Hyundai Motor: హ్యుందాయ్‌ బ్రాండ్‌ అంబాసిడర్‌గా దీపికా పదుకొణె

Hyundai Motor | చెన్నై: ప్రముఖ వాహన తయారీ సంస్థ హ్యుందాయ్ మోటార్‌ ఇండియా (Hyundai Motor India)కు బాలీవుడ్‌ నటి దీపికా పదుకొణె (Deepika Padukone) ప్రచారకర్తగా వ్యవహరించనున్నారు. ఈ విషయాన్ని హుంద్యాయ్‌ శుక్రవారం ఓ ప్రకటనలో తెలిపింది. దీంతో షారుక్‌ తర్వాత భారతీయ చలనచిత్ర పరిశ్రమ నుంచి కార్ల తయారీ సంస్థకు బ్రాండ్ అంబాసిడర్‌గా నియమితులైన వారిలో రెండో వ్యక్తిగా దీపికా నిలిచారు.

వన్‌ప్లస్‌ నార్డ్‌ 3 ధర తగ్గింపు.. ఈ కార్డులపై అదనపు డిస్కౌంట్‌

‘దీపికా పదుకొణెను బ్రాండ్‌ అంబాసిడర్‌గా నియమించుకోవడం చాలా ఆనందంగా ఉంది. భారతీయ ప్రేక్షకులతో ఆమెకు బలమైన బంధం ఉంది. ఈ నియామకంతో ఆమె వెండితెరకే కాకుండా విభిన్న ప్రేక్షకులకు దగ్గరవుతుంది. హ్యుందాయ్ వాహనాలు అధునాతనతకు అద్దం పడుతూ కొత్త ఆవిష్కరణలు తీసుకురానున్నాం’ అని హ్యుందాయ్ మోటార్ ఇండియా లిమిటెడ్ సీఓఓ తరుణ్ గార్గ్‌ అన్నారు. హ్యుందాయ్ మోటార్‌ ఇండియాకు తనను బ్రాండ్‌ అంబాసిడర్‌గా నియమించడంపై దీపికా సంతోషం వ్యక్తం చేశారు. ఆటోమొబైల్‌ రంగంలో తనదైన గుర్తింపు తెచ్చుకున్న హ్యుందాయ్‌ లాంటి సంస్థతో కలసి పనిచేయడం తనకు ఆనందంగా ఉందన్నారు.