నీళ్ల కోసం గొడవ.. గాలిలో కలిసిన ప్రాణం

దిల్లీలో మహిళను కత్తితో పొడిచిన బాలిక

దిల్లీ: నీళ్ల కోసం జరిగిన గొడవ ఓ మహిళ ప్రాణం తీసింది. దిల్లీలోని భీకం సింగ్‌ కాలనీలో ఇరుగుపొరుగున నివసించే రెండు కుటుంబాలకు ఉమ్మడి కొళాయి ఉంది. శుక్రవారం సాయంత్రం నీళ్లు పట్టుకొనే విషయంలో సోని(34) అనే మహిళకు, పక్కింట్లో నివసించే 15 ఏళ్ల బాలికకు గొడవ జరిగింది. ఈ క్రమంలో బాలిక చెయ్యిని ఆమె బలంగా మెలిపెట్టింది. నొప్పితో బాధపడిన బాలిక తన తల్లితో కలసి ఆసుపత్రికి వెళ్లి చికిత్స చేయించుకొని వచ్చింది. అనంతరం వారిద్దరూ సోనీతోమళ్లీ గొడవపడ్డారు. ఈ క్రమంలో బాలిక కత్తితో సోనీ చేతిపైన, కడుపులోనూ గాయాలు చేసింది. తీవ్ర రక్తస్రావం కావడంతో ఆ మహిళ ప్రాణాలు కోల్పోయింది. పోలీసులు బాలికను అదుపులోకి తీసుకున్నారు. ఈ ఘటనపై దిల్లీ జల్‌ శాఖ మంత్రి ఆతిశీ దిగ్భ్రాంతి వ్యక్తం చేశారు.