జ్యుడిషియల్‌ కస్టడీకి డీకే శ్రీనివాస్‌

బెంగళూరు (సదాశివనగర), న్యూస్‌టుడే: ప్రముఖులు, చిత్రపరిశ్రమకు చెందిన వారికి మాదక ద్రవ్యాలు అందించారనే ఆరోపణలు ఎదుర్కొంటున్న ప్రముఖ పారిశ్రామికవేత్త డి.కె.శ్రీనివాస్‌ను నార్కోటిక్‌ విభాగం పోలీసులు గురువారం బెంగళూరులోని ప్రత్యేక న్యాయస్థానం ఎదుట హాజరు పరిచారు. శ్రీనివాస్‌ను 14 రోజుల జ్యుడిషియల్‌ కస్టడీకి పంపిస్తూ న్యాయమూర్తి ఆదేశించారు. హైదరాబాద్‌ నుంచి బెంగళూరుకు వచ్చిన శ్రీనివాస్‌ను ఎన్‌సీబీ మంగళవారం రాత్రి అదుపులోకి తీసుకుని విచారించింది. సదాశివనగరలోని ఆయన నివాసం నుంచి పలు దస్త్రాలు స్వాధీనం చేసుకుంది. బుధవారం యలహంకలోని కార్యాలయంలో సుదీర్ఘంగా విచారించాక.. అరెస్టు చేయడం గమనార్హం.