ఎమ్మెల్యే అల్లుడి కారు బీభత్సం

గుజరాత్‌లో ఆరుగురి దుర్మరణం

గాంధీనగర్‌: ఓ ఎస్‌యూవీ అతి వేగంగా దూసుకెళ్లి ఆటో, బైక్‌ను ఢీకొట్టగా ఆరుగురు ప్రాణాలు కోల్పోయారు. ఈ ఘటన గుజరాత్‌ ఆనంద్‌ జిల్లాలో గురువారం సాయంత్రం జరిగింది. ఆటోలో ఉన్న నలుగురు, బైక్‌పై ఉన్న ఇద్దరు అక్కడికక్కడే మరణించారు. ప్రమాదం జరిగిన వెంటనే కారును వదిలేసి డ్రైవర్‌ పారిపోయాడు. చికిత్స కోసమని ఓ ఆస్పత్రిలో చేరాడు. సమాచారం అందుకున్న పోలీసులు.. వెంటనే ఘటనా స్థలికి చేరుకున్నారు. గుజరాత్‌లో కాంగ్రెస్‌కు చెందిన ఓ ఎమ్మెల్యే అల్లుడైన కేతన్‌ పదియార్‌.. ఎస్‌యూవీని వేగంగా నడిపి ఈ ప్రమాదానికి కారణమయ్యాడని ప్రాథమికంగా తేల్చారు. కాసేపటికే కేతన్‌ను అరెస్టు చేసి కేసు నమోదు చేశారు.