సిద్ధూ మూసేవాలా హత్య కేసు.. సూత్రధారి గోల్డీబ్రార్‌ అమెరికాలో అరెస్టు

అహ్మదాబాద్‌: సంచలనం సృష్టించిన పంజాబీ గాయకుడు సిద్ధూ మూసేవాలా హత్య కేసులో ప్రధాన సూత్రధారి, గ్యాంగ్‌స్టర్‌ గోల్డీ బ్రార్‌ను అమెరికాలో పోలీసులు నిర్బంధంలోకి తీసుకున్నారు. ఈ విషయాన్ని పంజాబ్‌ ముఖ్యమంత్రి భగవంత్‌ మాన్‌ శుక్రవారం తెలిపారు. త్వరలోనే గోల్డీ బ్రార్‌ను భారత్‌కు రప్పిస్తామని పేర్కొన్నారు ‘‘కాలిఫోర్నియా పోలీసులు బ్రార్‌ను అరెస్టు చేశారు. వారు భారత్‌ ప్రభుత్వాన్ని, పంజాబ్‌ పోలీసులను సంప్రదించారు’’ అని సీఎం చెప్పారు. లారెన్స్‌ బిష్ణోయ్‌ గ్యాంగ్‌కు చెందిన సతీందర్‌జీత్‌ సింగ్‌ అలియాస్‌ గోల్డీ బ్రార్‌ 2017 నుంచి కెనడాలో ఉంటున్నాడు. ఇటీవల అమెరికాకు మకాం మార్చినట్లు సమాచారం.