Eluru: ఏలూరు జిల్లాలో ముగ్గురు విద్యార్థినుల అదృశ్యం

ఆగిరిపల్లి: ఏలూరు జిల్లాలో ముగ్గురు విద్యార్థినులు అదృశ్యమయ్యారు. ఉదయం పాఠశాలకని వెళ్లిన వారు.. సాయంత్రమైనా ఇంటికి రాకపోవడంతో తల్లిదండ్రులు పోలీసులను ఆశ్రయించారు. ఆగిరిపల్లి మండలంలోని ఓ జడ్పీ ఉన్నత పాఠశాలలో వీరు తొమ్మిదో తరగతి చదువుతున్నారు. పాఠశాల సమయం ముగిసినా తిరిగి ఇంటికి రాకపోవడంతో చుట్టు పక్కల పరిసరాల్లో తల్లిదండ్రులు వెతికారు. ఆచూకీ లభించకపోవడంతో పోలీసులకు ఫిర్యాదు చేశారు. విచారణలో బాలికలు పాఠశాలకు వెళ్లకుండా ఆర్టీసీ బస్సులో వీరవల్లి వెళ్లినట్లు గుర్తించారు. ఆ ముగ్గురిలో ఓ బాలిక చరవాణి వాడుతోంది. సిగ్నల్స్‌ ఆధారంగా పోలీసులు ట్రేస్‌ చేయగా ప్రకాశం జిల్లాలో గుర్తించారు. ఈ మేరకు కేసు నమోదు చేసిన పోలీసులు ప్రత్యేక బృందాన్ని ఏర్పాటు చేసి గాలిస్తున్నారు.