సముచిత స్థానం కల్పిస్తాం

చింతపల్లి, పాడేరు, న్యూస్‌టుడే: తెదేపా జాతీయ ప్రధాన కార్యదర్శి నారా లోకేశ్‌ను పాడేరుకు చెందిన పార్టీ రాష్ట్ర కార్యదర్శి కిల్లు వెంకట రమేశ్‌నాయుడు మంగళవారం ఉండవల్లిలో మర్యాదపూర్వకంగా కలిశారు. వెంకటరమేశ్‌నాయుడుకు తొలుత పాడేరు అసెంబ్లీ నియోజవర్గ తెదేపా టికెట్‌ కేటాయించారు. ఆ తరువాత రాజకీయ పరిణామాల నేపథ్యంలో గిడ్డి ఈశ్వరికి టికెట్‌ ఇచ్చారు. పార్టీ సూచనతో వెంకట రమేశ్‌నాయుడు తన నామినేషన్‌ ఉపసంహరించుకున్నారు. ఈ నేపథ్యంలో మంగళవారం లోకేశ్‌ను కలిశారు. కూటమి అధికారంలోకి రాగానే తనకు సముచిత స్థానం కల్పిస్తామని లోకేశ్‌ హామీ ఇచ్చినట్లు ఆయన తెలిపారు. కూటమి అభ్యర్థి విజయానికి తమవంతు సహకారం అందిస్తామని పేర్కొన్నారు.