ఆదివాసీల ఐక్యతకు కృషిచేసేవారిని గెలిపించండి

రోడ్‌షోలో మాట్లాడుతున్న బృందాకారాట్‌, పక్కన అభ్యర్థులు అప్పలనర్స, గంగాధరస్వామి

అరకులోయ పట్టణం, న్యూస్‌టుడే: ఆదివాసీల హక్కులు, ఐక్యతకు కృషి చేసే ఇండియా కూటమి అభ్యర్థులకు మద్దతు ఇవ్వాలని సీపీఎం పొలిట్‌బ్యూరో సభ్యురాలు బృందాకారాట్‌ పేర్కొన్నారు. ఎన్నికల ప్రచారంలో భాగంగా అరకులోయలో మంగళవారం రోడ్‌షో నిర్వహించారు. బృందాకరాట్‌ మాట్లాడుతూ.. కేంద్ర, రాష్ట్ర ప్రభుత్వాలపై విమర్శలు చేశారు. ఆదివాసీల మధ్య చిచ్చుపెట్టి ఓట్లు పొందాలనుకునే పార్టీలను ఓడించాలని పిలుపునిచ్చారు. ఇండియా కూటమి ఎంపీ, ఎమ్మెల్యే అభ్యర్థులు పాచిపెంట అప్పలనర్స, శెట్టి గంగాధరస్వామిలకు మద్దతు ఇవ్వాలని కోరారు. సీపీఎం, కాంగ్రెస్‌ నాయకులు, కార్యకర్తలు పాల్గొన్నారు.