వైకాపాను తరిమికొడదాం

పసుపుమయమైన జి.మాడుగుల వారపు సంత..
ర్యాలీలో కూటమి అభ్యర్థి ఈశ్వరి

జి.మాడుగుల, న్యూస్‌టుడే: వైకాపాను తరిమికొట్టి, తెదేపాను గద్దెనెక్కిద్దామని ఎన్డీఏ అభ్యర్థి గిడ్డి ఈశ్వరి అన్నారు. జి.మాడుగుల వారపు సంతలో కూటమి నాయకులు, కార్యకర్తలు మంగళవారం భారీ ర్యాలీ నిర్వహించారు. ఈ సందర్భంగా వారపు సంత పసుపుమయమైంది. ఈశ్వరి మాట్లాడుతూ.. కూటమితోనే గిరిజనాభివృద్ధి సాధ్యపడుతుందని పేర్కొన్నారు.   ఈ సందర్భంగా పలువురు వైకాపా కార్యకర్తలు తెదేపాలో చేరారు. వీరికి ఈశ్వరి కండువాలు కప్పి పార్టీలోకి ఆహ్వానించారు. కూటమి ర్యాలీకి ఎదురుగా వైకాపా అభ్యర్థి ఎం.విశ్వేశ్వరరాజు ర్యాలీ వచ్చింది. అభ్యర్థులిద్దరూ పరిస్పరం అభివాదం చేసుకుంటూ ముందుకు కదిలారు. తెదేపా రాష్ట్ర కార్యదర్శి రమేష్‌నాయుడు, సీనియర్‌ నాయకులు బొర్రా నాగరాజు, ఎస్‌.వి.రమణ, గబ్బాడ సింహాచలం, ఎంపీపీ పద్మ, కొండలరావు, కళ్యాణం, చిట్టిబాబు, భీమన్న, సింహాచలం, సుబ్బారావు, రామరాజు, కె.భీంబాబు, పాండురంగస్వామి, పిన్నయ్య, పి.భీంబాబు, రెడ్డిబాబు, రామకృష్ణ తదితరులు పాల్గొన్నారు.